Tags-Wafa

kaise miT jaatī hai āñkhoñ se vafā kī tahrīr
aaj uḌte hue rañgoñ kī zabānī samjhe

duniyā se aaj jazb-e-vafā māñgtā huuñ maiñ
ye jurm hai agar to sazā māñgtā huuñ maiñ

mujhe ye Dar hai ba-īñ vasf-e-ehtirām-e-vafā
na terī chashm-e-mohabbat kahīñ badalne lage

dilā rahī hai yaqīn-e-vafā mujhe vo nazar
ye baat aur hai har ek se vafā na kare

vafā kā mirī kyā silā dījiyegā
ġham-e-dil kī lazzat baḌhā dījiyegā

shajar-e-ummīd bhī jal gayā vo vafā kī shāḳh bhī jal ga.ī
mire dil kā naqsha badal gayā mirī sub.h raat meñ Dhal ga.ī

'nadīm' is daur meñ har gaam par ta.an-o-malāmat haiñ
bahut dushvār hai duniyā meñ jiinā bā-vafā ho kar

tumhārī bevafā.ī kā fasāna har zabāñ par hai
zamāne ko dikhā do intiqāman bā-vafā ho kar

kab talak shāḳh-e-vafā lā.egī zaḳhmoñ ke gulāb
koī tāsīr na.ī āb-o-havā se māñgo

jo maiñ ne pūchhā vafā kā matlab
vo hañs ke bole divāngī hai

arbāb-e-vaqt jānte haiñ rozgār ne
kī sahv se vafā to talāfī zarūr kī

abhī kal tak vafā kī rāhoñ meñ
tum bhī the mere saath yaad karo

fareb-o-kizb dariyā se maiñ be-ta.alluq huuñ
ba-juz ḳhulūs-o-vafā kuchh bhī mere paas nahīñ

na miTegā naqsh-e-vafā kabhī na miTegā haañ na miTegā ye
kisī aur kī to majāl kyā use ḳhud miTā ke bhī dekh le

vo hī be-sāḳhta sī sādgī ke pal ji.eñ phir se
vafā kā yā jafā kā zikr thā na naam rishtoñ kā

shahr-e-vafā meñ haqq-e-namak yuuñ adā huā
mahfil meñ haiñ lage hue paivand TaaT ke

ab dostī vo fan ki jo sīkhe vahī nibhā.e
aur hai vafā tamāshā jise aa.e vo dikhā.e

ishq ne husn kī be-dād pe ronā chāhā
tuḳhm-e-ehsās-e-vafā sañg meñ bonā chāhā

va.ada-e-be-vafā vafā na huā
mujh ko is e'tibār ne maarā

chaman-zār-e-vafā meñ mausamoñ kī apnī fitrat hai
burīda ek baazū se ka.ī baazū nikal aa.e