Tags-Wafa

tū paikar-e-vafā hai mujassam ḳhulūs hai
badnām-e-rozgār haiñ terī galī ke log

us bevafā kā shahr hai aur vaqt-e-shām hai
aaise meñ aarzū baḌī himmat kā kaam hai

vo mohabbat ho ke īsār-o-vafā ho 'zākir'
ishq ke tiir shab-o-roz kamāñ se guzre

be-mehr-o-vafā hai vo dil-ārām hamārā
kyā jaane kyā hovegā anjām hamārā

ye āñdhiyāñ haiñ to shahr-e-vafā kī ḳhair nahīñ
zamāna ḳhāk-fishāñ hai qarīb aa jaao

na tum ko ḳhud pe bharosa na ham ko zom-e-vafā
na e'tibār-e-jahāñ hai qarīb aa jaao

na fāsle koī nikle na qurbateñ niklīñ
vafā ke naam se kyā kyā siyāsateñ niklīñ

maiñ us kahānī kā kirdār huuñ ki jis meñ sadā
vafā ko likhne se pahle hī merā haath jale

raat ke haath pe jaltī huī ik sham-e-vafā
apnā haq māñgtī hai

tū bhī taqdīr nahīñ dard bhī pā.inda nahīñ
tujh se vābasta vo ik ahd vo paimān-e-vafā

ab husn ke mizāj se vāqif huā huuñ maiñ
ik bhuul thī jo tum se kahā thā vafā karo

tujh meñ to ek ḳhū-e-jafā aur ho ga.ī
maiñ aur ho gayā na vafā aur ho ga.ī

kis se luuñ dād-e-vafā kis ko dikhā.ūñ ye jafā
vo to parde meñ hai jis ne mujhe ījād kiyā

mujhe ḳhabar hai ki vo peshtar na thā aisā
mirī vafā se jafā kā use ḳhayāl huā

ab ḳhair se un kī bazm kā itnā rañg to badlā mere ba.ad
jab naam mirā aa jaatā hai kuchh zikr-e-vafā ho jaatā hai

tajassus chhoḌ de tum qais-o-lailā sī mohabbat kā
kī daur-e-nau kī har tamsīl-e-ulfat bevafā hogī

ai dil afsāna-e-āġhāz-e-vafā rahne de
mujh ko biite hue lamhāt se Dar lagtā hai

kisī fard-e-mohabbat se bhalā ummīd kyā rakhnā
mohabbat bevafā thī bevafā hai bevafā hogī

yaqīñ mujhe bhī hai vo ā.eñge zarūr magar
vafā karegī kahāñ tak ki zindagī hī to hai

unhoñ ne kyā na kiyā aur kyā nahīñ karte
hazār kuchh ho magar ik vafā nahīñ karte