Tags-Wafa

vafā kī kahānī meñ DhūñDo mujhe tum
kabhī hijr kī dāstāñ hī meñ DhūñDo

dāvā-e-ishq hai jurm-e-avval agar
inhirāf-e-vafā dūsrā jurm hai

sar jhukā.e hue kyuuñ baiThe haiñ arbāb-e-vafā
marhala kaun sā mushkil thā jo āsān huā

maiñ kahā sabr o dil o diiñ ne vafā ham se na kī
be-vafā tū to vafā kar to lagā kahne ''ūñ-hūñ''

jo chal paḌe jāda-e-vafā par unheñ ġham-e-rozgār kyā hai
sa.ūbatoñ ke pahāḌ kyā haiñ tamāzatoñ kā ġhubār kyā hai

baat vafā kī dil vāloñ kī nagrī meñ hai aam bahut
shahr-e-butāñ meñ giit vafā ke gā paao to baat bane

hayā hoTaloñ meñ hai aape se bāhar
vafā ghar ke andar bhī hai bebasī meñ

adab bhī tijārat vafā bhī tijārat
tijārat kī dhun hai hañsī meñ ḳhushī meñ

ye aarzū hai ki us bevafā se ye pūchhūñ
ki mere be-mazā rakhne meñ kuchh mazā bhī hai

sharīk-e-rāh-e-vafā gul-sarisht māh-ba-kaf
qatīl-e-gardish-e-daurāñ barahna-pā bhī hai

kuchh na kuchh baat ho ga.ī varna
dilrubā bevafā nahīñ hotā

mudda.ī ho jo vafā ke to sitam sahte raho
lab pe aa.e na koī harf bhī shikva ho kar

rā.egāñ ḳhud ko na kar bazm-e-vafā meñ ai dil
yuuñ na āñkhoñ se Tapak ḳhūn-e-tamannā ho kar

kuchh is tarah se luTī hai matā-e-dīda-o-dil
ki ab kisī se bhī zikr-e-vafā nahīñ karte

ik ghar bhī salāmat nahīñ ab shahr-e-vafā meñ
to aag lagāne ko kidhar jaa.e hai pyāre

shāyad kisī daur meñ vafā thī
ye daur to bevafā rahā hai

'fātima' mausam kī rut hai ye vafā
bevafā aksar mujhe achchhā lage

allāh allāh ye fazā-e-dushman-e-mehr-o-vafā
āshnā ke naam se hotā hai barham āshnā

pās-e-ḳhuddārī to hai lekin vafā-dushman nahīñ
tum ne ham par tark-e-ulfat kā gumāñ kaise kiyā

muravvat se ho begāna vafā se duur ho kosoñ
ye sach hai nāznīñ ho ḳhūbsūrat ho magar kyā ho