Tags-Wafa

bas ek baar hī toḌā jahāñ ne ahd-e-vafā
kisī se ham ne phir ahd-e-vafā kiyā hī nahīñ

yā zamāne meñ mohabbat ke fasāne haiñ ġhalat
yā mirā naqsh-e-vafā hai mire dil par ulTā

haañ jo jafā bhī aap ne kī qā.ede se kī
haañ ham hī kārband-e-usūl-e-vafā na the

sun rakkho qabl-e-ahd-e-vafā qaul ārzū-e-shaidā.ī kā
jannat bhī hai dozaḳh gar ye huā tum aur kahīñ ham aur kahīñ

va.ada bhī kiyā to kī na vafā aatā hai tumheñ charkoñ meñ mazā
chhoḌo bhī ye zid lutf is meñ hai kyā tum aur kahīñ ham aur kahīñ

aane meñ jhijhak milne meñ hayā tum aur kahīñ ham aur kahīñ
ab ahd-e-vafā TuuTā ki rahā tum aur kahīñ ham aur kahīñ

koī va.ada vafā ho jaa.e shāyad
bharosa aaj bhī hai jān-e-jāñ par

be-vafāoñ se vafā kī ummīd
'nūh' nādān bane jaate haiñ

ḳhud vafā kyā vafā kā badla kyā
lutf ehsān thā agar karte

donoñ hī qabīloñ ne paimān-e-vafā bāñdhe
lauT aa.ī vafā phir se har dushman-e-jānī meñ

kyā hamārī vafā-shi.ārī se
har jagah intishār barpā hai

ye duniyā jahāñ aadmī kuchh nahīñ hai
vafā kuchh nahīñ dostī kuchh nahīñ hai

tirī vafā tirī majbūriyāñ bajā lekin
ye sozish-e-ġham-e-hijrāñ ye sard tanhā.ī

jitnā lahū thā sarf-e-qabā ho chukā tamām
kū-e-vafā meñ aa.e na zinhār ab koī

shahr-e-havas meñ qadr-e-vafā tere dam se thī
is jins kā nahīñ hai ḳharīdār ab koī

vafā-shi.ār bhī qudrat thā rūThne vaalā
ravāyatan bhī na naam is kā bevafā rakhnā

maiñ kyuuñ kisī ke ahd-e-vafā kā yaqīñ karūñ
itnī shadīd ġham kī zarūrat nahīñ mujhe

gilā nahīñ tujh se zindagī ke vo nazariye hī badal ga.e haiñ
mirī vafā vo tire taġhāful kī nauha-ḳhvāñ thak ke so ga.ī hai

jahāñ kā sheva sitam thā lekin mujhe vafā se rahī hai nisbat
jahāñ ġhalat thā ki maiñ ġhalat thā ye baat rah rah ke sochtā huuñ

phir mire dil ke phañsāne kī huī hai tadbīr
phir na.e sar se vo paimān-e-vafā karte haiñ