Tags-Wafa

ik ne pūchhā ye 'mus.hafī' se bhalā
kyuuñ tū ai bevafā nahīñ miltā

tū apne phuul se hoñToñ ko rā.egāñ mat kar
agar vafā kā irāda nahīñ to haañ mat kar

mujh ko na dil pasand na vo bevafā pasand
donoñ haiñ ḳhud-ġharaz mujhe donoñ haiñ nā-pasand

jins-e-vafā ko karte haiñ ahl-e-vafā pasand
dushman ko kyā tamīz hai dushman kī kyā pasand

ik ye bandish rahī anjām-e-vafā ko ko kar
ahl-e-duniyā pe merī rasm ravā ho ki na ho

ham jafākār-e-vafā haiñ hameñ matlūb nahīñ
hāsil zulf-e-siyāhkār sazā ho ki na ho

rasm-e-ulfat se hai maqsūd-e-vafā ho ki na ho
zaḳhm-e-dil aur ho ḳhūn-basta-e-shifā ho ki na ho

vo baat jis pe madār-e-vafā hai 'yazdānī'
vo baat kahnā paḌegī huzūr-e-yār mujhe

na jaane kaun sā hai sho.abada ta.āqub meñ
ki aaj us ne kahā hai vafā shi.ār mujhe

bahār aa.ī fazā mahkī ḳhushī ne haath phailā.e
to phir ye zindagī āvāra-e-dasht-e-vafā kyuuñ hai

sahar anjān sī maġhmūm sā ḳhvāb-e-vafā kyuuñ hai
na jaane qurbatoñ ke naam se ye fāsla kyuuñ hai

zarā bhī jis kī vafā kā yaqīn aayā hai
qasam ḳhudā kī usī se fareb khāyā hai

nazar kī kyā kaheñ ab to jigar bhī ho ga.e patthar
kahāñ bū-e-vafā khoī ki ghar bhī ho ga.e patthar

naaz tum ko hai jafā par to vafā par ham ko
tum agar kuchh ho mirī jaan to ham bhī kuchh haiñ

kahte na the ham 'dard' miyāñ chhoḌo ye bāteñ
paa.ī na sazā aur vafā kījiye us se

un kā ġham hai apnā ġham hai apne parā.e sab kā ġham
shahr-e-vafā meñ phir bhī 'farhat' aur ka.ī ġham-ḳhāne haiñ

ghūmne jab bhī tire shahr meñ jaatī hai vafā
bain kartī huī vāpas vo sadā aatī hai

farsūda-o-fuzūl rivāyat ke naam par
apne tamām dost vafā ke ḳhilāf haiñ

mirī vafā mirā īsār chhīn le mujh se
hai kaun jo mirā kirdār chhīn le mujh se

vafā kā lutf mile gar hazār jāneñ hoñ
nisār tujh pe mirī jaañ hazār baar huuñ maiñ