Tags-Wafa

na vo harf-o-lafz kī dāvarī na vo zikr o fikr-e-qalandarī
jo mire lahū se likhī thī ye vo qarārdād-e-vafā nahīñ

maiñ Darā nahīñ maiñ dabā nahīñ meñ jhukā nahīñ maiñ bikā nahīñ
magar ahl-e-bazm meñ koī bhī to adā-shanās-e-vafā nahīñ

ab diloñ meñ koī gunjā.ish nahīñ miltī 'hayāt'
bas kitāboñ meñ likkhā harf-e-vafā rah jā.egā

kahāniyāñ bhī ga.iiñ qissa-ḳhvāniyāñ bhī ga.iiñ
vafā ke baab kī sab be-zabāniyāñ bhī ga.iiñ

kuchh samajh meñ nahīñ aatā hai mizāj-e-yārāñ
jis ko dekho vahī iz.hār-e-vafā māñge hai

ḳhūn-e-dil mujh se tirā rañg-e-hinā māñge hai
yā hathelī pe koī naqsh-e-vafā māñge hai

koī pursān-e-vafā hai na pashīmān-e-jafā
zaḳhm ham apne dikhā.eñ to dikhā.eñ kis ko

karte na ham vafā to na baḌhte jafā-o-jaur
sharminda vo jafā se to apnī duā se ham

kī ḳhuub vafā ham se lī ḳhuub ḳhabar tū ne
din-rāt sitam Dhaa.e ai bāni-e-shar tū ne

vahī jafāoñ kā aalam vahī hai mashq-e-sitam
vahī vafā kā taqāzā hai dekhiye kyā ho

tujhe kis nazar se dekhe ye nigāh-e-dard-āgīñ
jo duā.eñ de rahī hai tirī chashm-e-bevafā ko

usī mahfil usī bazm-e-vafā ke goshe goshe meñ
luTegī masti-e-chashm-e-ġhazālāñ, ham na kahte the

bhare bāzār meñ jins-e-vafā be-ābrū hogī
uThegā e'tibār-e-kū-e-jānāñ ham na kahte the

dil ko ab zauq-e-mohabbat ke maze aane lage
tujh se ab terī jafā se yā vafā se kyā ġharaz

udaas ho kisī kī bevafā.ī par
vafā kahīñ to kar ga.e ho ḳhush raho

ik ubhartī rahī tasvīr ḳhalā meñ barsoñ
maiñ akelā hī phirā dasht-e-vafā meñ barsoñ

vaqt ne dil kī tabī.at meñ vafā rakkhī hai
kulfat-e-āgahī phir us kī sazā rakhī hai

kisī gul meñ nahīñ paane kī tū bū-e-vafā hargiz
abas apnā dil ai bulbul chaman meñ mat lagā hargiz

āñkheñ na jiine deñgī tirī be-vafā mujhe
kyuuñ khiḌkiyoñ se jhāñk rahī hai qazā mujhe

na kareñ aap vafā ham ko kyā
bevafā aap hī kahlā.iyegā