Tags-Wafa

ushshāq ko tarġhīb-e-mohabbat hī karegā
jab tak hai 'hasan' bazm-e-vafā garm rahegī

kaun pāband-e-vafā hai kaun hai nañg-e-vafā
sham.a kī āġhosh meñ parvāne kī taqdīr dekh

phir na.ī ḳhvāhish ke zarroñ se banā.eñge nagar
phir na.ī rasm-e-talab rasm-e-vafā lā.eñge log

maiñ na jaanā thā ki tū yuuñ be-vafā ho jā.egā
āshnā ho is qadar nā-āshnā ho jā.egā

vafā hai jurm to iqrār-e-jurm hai mujh ko
ye maiñ huuñ ye mirā dil lījiye sazā diije

tamām-umr bhaTaktī rahī nazar ki kahīñ
mile koī jise nazrāna-e-vafā diije

dast-e-sabā kī Therī huī loriyoñ se bach
dasht-e-vafā meñ chaltī huī lū bhī dekh le

jo kuchh bhī ḳhushī se hotā hai ye dil kā bojh na ban jaa.e
paimān-e-vafā bhī rahne do sab jhūTī bāteñ hotī haiñ

arzāñ hai apne shahr meñ paanī kī tarah ḳhuuñ
varna vafā kā ḳhuun baḌā qīmtī bhī hai

maiñ ek kyā huuñ sabhī bā-vafā haiñ shākī-e-jaur
tum ek kyā ho kisī bevafā se kuchh na huā

ḳhud-numā.ī to nahīñ sheva-e-arbāb-e-vafā
jin ko jalnā ho vo ārām se jal jaate haiñ

dil TuuTā to 'mīt' samajh meñ ye aayā
ishq vafā sab ek pahelī niklī hai

vafā jab zinda hotī hai jafā dam toḌ detī hai
sitamgar kī har ik zālim adā dam toḌ detī hai

ab kisī meñ agle vaqtoñ kī vafā baaqī nahīñ
sab qabīle ek haiñ ab saarī zāteñ ek sī

talḳh yādoñ meñ thī ḳhushbu-e-vafā
ab ke jab kū-e-jafā se guzre

bārhā shahr-e-vafā se guzre
ek sunsān fazā se guzre

bevafā se muāmle ke liye
ik tabī.at vafā-shi.ār hī dī

hamāre zehn meñ mahshar bapā hai kyā kiyā jaa.e
ye dil āmāda-e-tark-e-vafā hai kyā kiyā jaa.e

ġham-e-habīb ġham-e-do-jahāñ nahīñ hotā
agar ḳhulūs-e-vafā be-karāñ nahīñ hotā

vo nā-shanās-e-haqīqat hai is zamāna meñ
vafā ko bhiik samajh kar galī galī māñge