Collections

Lab Shayari

Motivational Ghazals

Best Khamoshi Shayari

More Collections

Tags-Wafa

udhar vafā kā gilā hai ki dil lahū na huā
udhar sitam ko shikāyat ki qadr-dāñ na milā

swad-e-gham mein kahin gosha-e-aman na mila

vo aks-e-dil-e-āshnā chhoḌ aa.e
kahīñ bhī jo naqsh-e-vafā chhoḌ aa.e

wo aks-e-dil-e-ashna chhoD aae

na tasallī na tashaffī na dilāsā na vafā
umr ko kāTeñ tire chāhne vaale kyūñ-kar

na tasalli na tashaffi na dilasa na wafa

har adā māshūq kī bantī hai paimān-e-vafā
laġhzish-e-pā ko nazar-andāz karnā chāhiye

az-sar-e-nau fikr ka aaghaz karna chahiye

ai dil ab aur koī qissa-e-duniyā na sunā
chheḌ de zikr-e-vafā haañ koī afsāna sunā

ai dil ab aur koi qissa-e-duniya na suna

ye ahd vo hai ki merī vafā ke qissoñ meñ
tirī jafā kī hikāyāt bhī bayāñ hoñgī

mere safar ki haden KHatm ab kahan hongi

haram-o-dair meñ baT jaate haiñ rindān-e-vafā
haram-o-dair kī tafrīq miTā de saaqī

wo saliqa hamein jine ka sikha de saqi

umaD ke aa.e the aañsū ki jaltī āñkhoñ meñ
vafā kā rañg bhī nāyāb hone vaalā thā

wo mera KHwab jo mahtab hone wala tha

tirī vafā na mujhe raas aa sakī lekin
maiñ sochtā huuñ tujhe kaise bevafā kah duuñ

na kam hua hai na ho soz-e-iztirab-e-durun

gar jafā kī na ho vafā maan.e
koī zālim nahīñ tirā maan.e

gar jafa ki na ho wafa mane

vafā ḳhulūs mohabbat hamārā hissa hai
har ek shaḳhs ko ye sab kahāñ se milte haiñ

zamin pe rahte hue kahkashan se milte hain

jiine kā maza tujh ko bhī aa jā.egā lekin
jo tujh se daġhā karte haiñ to un se vafā kar

aaya hun tere KHwab kinare pe laga kar

maiñ vafā kar ke bā-vafā Thahrā
bevafā ho gayā magar koī

tera afsana chheD kar koi

ham ko un se vafā kī hai ummīd
jo nahīñ jānte vafā kyā hai

hum ko un se wafa ki hai ummid

kisī ko chāhne vaale yahī to karte haiñ
baḌā kamāl kiyā hai agar vafā kī hai

hawas bala ki mohabbat hamein bala ki hai

ye adā-e-be-niyāzī tujhe bevafā mubārak
magar aisī be-ruḳhī kyā ki salām tak na pahuñche

ye ada-e-be-niyazi tujhe bewafa mubarak

apnī majbūriyoñ kā rañj nahīñ
bevafā maiñ huuñ, bā-vafā tum ho

tujhse main mujhse aashna tum ho

kis se vafā kī dahr meñ 'ḳhushtar' umiid hai
ahd-e-vafā se duur hai paimān-e-zindagī

duniya wahi hai aur wahi saman-e-zindagi

vafā kī raat koī ittifāq thī lekin
pukārte haiñ musāfir ko sā.ebāñ kyā kyā

wafa ki raat koi ittifaq thi lekin

karam ke saath sitam thā jafā ke saath vafā
nazar meñ un kī nazar hai bhī aur hai bhī nahīñ

meri fughan mein asar hai bhi aur hai bhi nahin