Tags-Wafa

sitam-shi.ār vafā-dushman āshnā-bezār
kaho to aise se kyūñkar koī nibāh kare

dil ko us but se hai phir ajr-e-vafā kī ummīd
sa.ī-e-be-sūd meñ hāsil kā ḳhayāl aayā hai

mujhe tum bevafā kahte ho achchhā bevafā huuñ maiñ
magar ye mudda.ī kā mudda.ā mālūm hotā hai

ye ishq-o-vafā kī bāteñ haiñ pūchhe koī 'shañkar' ke dil se
vo sāmne jab aa jaate haiñ har saañs ġhazal-ḳhvāñ hotā hai

vo be-vafā jo raah meñ Takrā gayā kahīñ
kah dūñgī maiñ bhī saaf ki pahchāntī nahīñ

baḌā muḳhlis huuñ pāband-e-vafā huuñ
kisī kī sādgī par ro paḌā huuñ

bas ki pābandi-e-ā.īn-e-vafā ham se huī
ye agar koī ḳhatā hai to ḳhatā ham se huī

husn vaalo zarā batāo nā
kyuuñ kisī se vafā nahīñ karte

apne māthe pe bal Daal kar hameñ shīsh-mahloñ ke andar se jhiḌkī na do
ham bhikārī nahīñ haiñ ki Tal jā.eñge ham ko apnī vafā kā sila chāhiye

zabt bhī chāhiye zarf bhī chāhiye aur mohtāt pās-e-vafā chāhiye
zindagī dushmanoñ meñ bhī mushkil nahīñ aadmī meñ zarā hausla chāhiye

sachchā.ī mirā jurm hai aur kār-e-vafā bhī
munsif hai to ye bhī mirī ta.azīr meñ likh de

yaad aayā in āñkhoñ kā paimān-e-vafā jab bhī
sāġhar mire hāthoñ se be-sāḳhta chhūTā hai

vafā kā naam 'fāriġh' is jahāñ meñ
barā.e-nām ho kar rah gayā hai

us kī dīvār pe manqūsh hai vo harf-e-vafā
jis kī ta.abīr ko ḳhvāboñ kā sahārā na milā

sad-haif us ke haath hai har zaḳhm kā rafū
dāman meñ jis ke ek bhī tār-e-vafā nahīñ

faroġh-e-ishq hai mahrūmiyoñ se
vafā-keshī ba-qadr-e-nā-rasī hai

ḳhud vafā hai mirī shāhid ki vafādār huuñ maiñ
laakh tum dil se bhulāo to bhulā.e na bane

lazzat-e-sozish-e-ġham jān-e-vafā aah na pūchh
kitnī taskīn milī aap ko taḌpāne meñ

maiñ naqsh-hā-e-ḳhūn-e-vafā chhoḌ jā.ūñgā
ya.anī ki rāz-e-rañg-e-hinā chhoḌ jā.ūñgā

shāmil hai mirā ḳhūn-e-jigar terī hinā meñ
ye kam ho to ab ḳhūn-e-vafā saath liye jā