Tags-Wafa

daġhā dī ham ko dil le kar hamārā
yahī jurm-e-vafā kī thī sazā kyā

daġhā degā mujhe vo pur-jafā kyā
na aaḌe aa.egī merī vafā kyā

jo zamāna bhuul gayā to kyā ki chalan yahī hai zamāne kā
magar un ke dil pe likhī huī mirī dāstān-e-vafā milī

nahīñ ġham jo mujh ko zamāne meñ koī ġham kī daad na de sakā
magar un ke dil pe likhī huī mirī dāstān-e-vafā milī

ka.ī manziloñ se guzar ga.e to hameñ ye rāh-e-vafā milī
kahīñ dil milā kahīñ dard-e-dil kahīñ dard-e-dil kī davā milī

ronā yahī hai mujh ko terī jafā se har-dam
ye dil-dimāġh donoñ kab tak vafā kareñge

'surūr' jins-e-vafā bechte nahīñ phirte
jigar ke daaġh dikhānā to sab ko aatā hai

rah-e-vafā meñ abhī do qadam chale bhī nahīñ
abhī se paañv ke chhāle talāsh karte haiñ

ik jins-e-vafā hai jis ko har-sū
DhūñDoge magar na mil sakegī

ye dil ye shahr-e-vafā kab use pasand aayā
vo be-qarār thā us ko yahāñ se jaanā thā

tū ne kab mujh se bāñdhā thā ahd-e-vafā
ḳhārzāroñ meñ bastī nahīñ titliyāñ

tīrgī chāñd ko ina.am-e-vafā detī hai
rāt-bhar Dūbte sūraj ko sadā detī hai

jafāoñ ne hazāroñ rañg badle
vafā apnī jagah par aaj bhī hai

vaqt badlā pa na badlā mirā me.ār-e-vafā
āñdhiyoñ meñ sar-e-kohsār charāġhāñ jaise

jis meñ dilkash vafā kā phuul nahīñ
aisī chāhat mujhe qubūl nahīñ

ġhair aur shikva-e-jafā tum se
haa.e maiñ qābul-e-vafā na rahā

bevafā jān-o-māl be-sarfa
kyā rahā jab ki dil-rubā na rahā

kashākash ham se pūchhe koī nā-āsūda ḳhvāhish kī
hasīnoñ se bahut bāñdhe haiñ paimān-e-vafā ham ne

shahīdān-e-vafā kī manqabat likhte rahe lekin
na kī arzī ḳhudāoñ kī kabhī hamd-o-sanā ham ne

tumheñ kabhī na kabhī mar ke bhī dikhā dūñgā
jo zindagī ne vafā kī jo barqarār rahā