Tags-Wafa

is se kahīñ bhī naam tumhārā nahīñ milā
ham har varaq kitāb-e-vafā ke palaT ga.e

tum ġhair se nibhāo vafā ham ko bhuul kar
jaao tumhārī raah se ham aaj haT ga.e

hai jafā se ġharaz use itnī
ki vafā imtihān paḌtī hai

mohabbat kī havā-e-dil-rubā se jhuuT bolegī
hasīñ kāzib hai vo ahl-e-vafā se jhuuT bolegī

kal va.ada-gāh meñ jab vo bevafā na aayā
uktā ke uTh ga.e ham nā-chār baiThe baiThe

koī aayā hī nahīñ kū-e-vafā tak varna
kuchh bhī mushkil nahīñ ye raah do ik gaam ke ba.ad

yahī sunte aa.e haiñ ham-nashīñ kabhī ahd-e-shuq-e-kamāl meñ
koī shahr shahr-e-vafā bhī thā usī sar-zamīn-e-ḳhayāl meñ

dostī ho vafā ho nafrat ho
kuchh bahāna ho zindagī ke liye

kabhī jo ḳhatm na ho aisī tāzgī de dī
tirī vafā ne na.ī mujh ko zindagī de dī

jā.eza dil kā agar lo to vafā se ḳhālī
shakl dekho to namak-ḳhvār nazar aate haiñ

dushman-e-ḳhū-e-vafā rasm-e-mohabbat ke harīf
vahī kyā aur bhī do-chār nazar aate haiñ

kyuuñ kisī se vafā kare koī
dil na maane to kyā kare koī

firāq-e-lab-o-zulf par munhasir kam hī paa.ī hai ahl-e-vafā kī taḌap
tum āġhosh ke tañg halqe meñ ho phir bhī har lamha afzūñ hai dil kī jalan

ahl-e-jahāñ ke saath vafā yā jafā karūñ
merī samajh meñ kuchh nahīñ aatā hai kyā karūñ

terī vafā se kyā ho talāfī ki dahr meñ
tere sivā bhī ham pe bahut se sitam hue

zulm se zikr-e-vafā aur sivā hotā hai
un kī har ek burā.ī meñ bhalā hotā hai

aa.ī thī chand gaam usī bevafā ke saath
phir umr bhar ko bhuul ga.ī zindagī hameñ

ye gahrī kaalī āñkheñ dekh to kyā kah rahī haiñ
inheñ pāband rakhne ko vafā kaafī nahīñ hai

baaqī rakhī hai mere lahū ne matā-e-hosh
maiñ ne vafā to kī thī nihāyat na kar sakā

be-muravvat hai vo bevafā hai
saarī mehnat mirī rā.egāñ hai