Tags-Wafa

ḳhudī na ho sakī minnat-kash-e-nashāt-e-vafā
hamārā haath kabhī mā.il-e-duā na rahā

ujaḌ gayā hai kuchh is tarah ab dayār-e-vafā
kahīñ bhī merī tamannā kā naqsh-e-pā na rahā

dayār-e-husn meñ miltī nahīñ hai jins-e-vafā
dil-e-ġharīb kā ab un se vāsta na rahā

us samt vahshī ḳhvāhishoñ kī zad meñ paimān-e-vafā
us samt lahroñ kī dhamak kachchā ghaḌā āvārgī

ab ke tajdīd-e-vafā kā nahīñ imkāñ jānāñ
yaad kyā tujh ko dilā.eñ tirā paimāñ jānāñ

vo nagar to kab kā ujaḌ gayā ham usī nagar se to aa.e haiñ
kahīñ maqbara thā ḳhulūs kā to kahīñ vafā kā mazār thā

dhyān bhī us kā hai milte bhī nahīñ haiñ us se
jism se bair hai saa.e se vafā-dārī hai

tū nahīñ kahtā magar dekh o vafā-nā-āshnā
apnī hastī kis qadar barbād kar letā huuñ maiñ

jalāyā muskurā kar aur adā se kar diyā murda
kahīñ to ye jafā Thahrī kisī jā par vafā Thahrī

ḳhair mujh par to jo guzrī guzrī
shukr vo tarz-e-vafā bhuul gayā

'nasīr' tark-e-ta.alluq hī un se behtar hai
vafā ke naam pe kab tak fareb khā.eñge

'asad' hai naza.a meñ chal bevafā barā-e-ḳhudā
maqām-e-tark-e-hijāb o vidā-e-tamkīñ hai

yahāñ rahbar ke parde meñ bahut rahzan haiñ ai 'aḳhtar'
raho duur us se tum jis ko vafā nā-āshnā samjho

ishq ahd-e-bevafā meñ be-navā ho jā.egā
aañkh istanbul siina qartaba ho jā.egā

phir koī apnī vafā kā vāsta dene lagā
duur se āvāz mujh ko hādsa dene lagā

na chheḌ un ko ḳhudā ke liye ki ahl-e-vafā
bhaTak ga.e haiñ to phir raah par nahīñ aa.e

shoḳhī hai husn kī ye hai jazb-e-vafā kā sehr
us ne hameñ salām guzārā kabhī kabhī

ek aurat se vafā karne kā ye tohfa milā
jaane kitnī auratoñ kī bad-duā.eñ saath haiñ

jis ko hai bharam aaj bhī paimān-e-vafā kā
siine se mire us dil-e-nādāñ ko nikālo

lailā kā naam zinda hai ab tak jahāñ meñ
tum bhī nibāh do kisī ahl-e-vafā ke saath