Tags-Wahm

mujh ko rahnā hai isī vahm kī sarshārī meñ
terī āvāz ke dhoke se ye mahsūs huā

mirī be-kalī thī shaguftagī so bahār mujh se lipaT ga.ī
kahā vahm ne ki ye kaun thā to ḳhayāl terī taraf gayā

'ḳhalīl' vahm hai merā yā bad-havāsī hai
yahāñ pe sub.h chale aur nazar meñ shaam Dhale

shab ḳhvāb meñ mo.āmla us mah-jabīñ se 'aish'
vo paT gayā jo apne na vahm-o-gumāñ meñ thā

darūñ-nigāh ko tanhā-ravī kā vahm nahīñ
varā-e-parda to sarḳhīl-e-kārvāñ tum ho

ḳhayāl-o-ḳhvāb ke mausam badalne vaale haiñ
hujūm vahm-o-tasavvur meñ hai gumān-zada

mujhe saañs saañs girāñ lage, ye vajūd vahm-o-gumāñ lage
maiñ talāsh ḳhud ko karūñ kahāñ mirī zaat ḳhvāb-o-ḳhayāl hai

kuchh to rah jaa.e tag-o-tāz talab meñ baaqī
vahm apnā rahe yā us kā gumāñ rah jaa.e

vahm ye tujh ko ajab hai ai jamāl-e-kam-numā
jaise sab kuchh ho magar tū diid ke qābil na ho

yaqīñ se aur amal se puḳhtagī paa.ī aqīdat ne
pahuñch terī to ai nādān bas vahm-o-gumāñ tak hai

kis vahm kis chakkar meñ ho ḳhud-bīñ bagūloñ dam to lo
siine meñ dil ho bhī kahīñ maanā ki betābī to hai

khulā ki vahm thā aab o sarāb kī tamīz
pyāsī dhuup thī āb-e-ravāñ meñ phail ga.ī

phir zamāna mirī giraft meñ hai
phir mujhe vahm-e-kibriyā.ī hai

kisī taal par kisī taan par mirī ruuh aaj hai vajd meñ
mirā vahm hai ki haqīqatan koī naġhma-ḳhvāñ mire saath hai

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

guzar kar ham ḳhudī vahm-o-gumāñ se
ḳhudā jaane kahāñ tak aa ga.e haiñ

ḳhauf dushman kī tarah mere ta.āqub meñ bhī thā
ḳhanjar-e-vahm ke maiñ ne bhī sahe vaar bahut

ye vahm hai merā ki haqīqat meñ milā hai
ḳhurshīd mujhe vādi-e-zulmat meñ milā hai

jis ko maanā thā ḳhudā ḳhaak kā paikar niklā
haath aayā jo yaqīñ vahm sarāsar niklā

vahm hai hast bhī niist bhī vahm hai
dīn-o-duniyā kī har ik galī vahm hai