Tags-Wahm

itnā hassās huuñ jitnā koī nahīñ
maan lo na 'razā' āḳhirī vahm hai

khīñch lī hai kamāñ maiñ ne iz.hār kī
ab zarā phir kaho zindagī vahm hai

ye tamāshā-e-ilm-o-hunar dosto
kuchh nahīñ hai faqat kāġhzī vahm hai

kaisī āvāz hai kaan phaT jā.eñge
hai bhī yā ye mirā dā.imī vahm hai

un āhaToñ pe mirī vahm kā gumāñ kaisā
maiñ kah chukā huuñ mirī jaan bārhā maiñ huuñ

bhaTakte phir rahe haiñ justujū-e-yār meñ ab tak
kahīñ Tikne nahīñ detā hameñ vahm-o-gumāñ apnā

vahm sābit hue sab ḳhvāb suhāne tere
yaad karte haiñ magar log fasāne tere

jaane kis vahm ne qadam pakaḌ liye
us kī dhund se guzar sake na ham

aql taslīm nahīñ kartī pe dil māntā hai
vo koī mo.ajaza hai vahm hai yā jaadū hai

shajar jo kah na sake āsmāñ vahī sun le
yaqīñ hai vahm kī manzil parind ojhal hai

saarā manzar hī ajnabī hai yahāñ
sirf ik vahm-e-dostī hai yahāñ

maiñ ki huuñ hāzir-o-maujūd ke vasvās meñ qaid
tū ki hai parda-nashīñ vahm-o-gumāñ se aage

jhuuT raushan hai ki sachchā.ī nahīñ jānte haiñ
log ab vahm o gumāñ ko hī yaqīñ jānte haiñ

tajdīd-e-tafakkur kā tujhe vahm huā hai
maiñ tere ḳhayāloñ meñ tazādāt batā duuñ

ba-ijz-ābād vahm-e-mudda.ā taslī-e-shoḳhī hai
taġhāful ko na kar masrūf-e-tamkīñ-āzmā.ī kā

ai sāTan ke niile pardo tum par ye kis kā saaya hai
kyā mujh ko kuchh vahm huā hai yā sach-much koī aayā thā

khoyā gayā hai shaiḳh qayāmat ke vahm meñ
khonā vahī ki aap ko aap hī meñ khoiye

tirā hai vahm ki ye nā-tavāñ hai jaame meñ
vagarna maiñ nahīñ ab ik ḳhayāl apnā huuñ