Tags-Wahm

asar us ke ishva-e-nāz kā jo huā vo kis se bayāñ karūñ
mujhe to ajal kī hai aarzū use vahm hai ki ye mar gayā

vo jo be-vaj.h muskurāte haiñ
saikḌoñ vahm dil meñ aate haiñ

āḳhirat kā ḳhayāl bhī saaqī
bāda-e-vahm kā ayāġh na ho

'najīb' ik vahm thā do chaar din kā saath hai lekin
tire ġham se to saarī umr kā rishta nikal aayā

rukā huuñ kis ke vahm meñ mire gumān meñ nahīñ
charāġh jal rahā hai aur koī makān meñ nahīñ

vo pairahan-e-jān meñ jaañ hajla-e-tan meñ
huuñ vahm-e-judā.ī se ajab rañj-o-mehan meñ

ajab sā vahm dil pe jam gayā hai
badan saa.e se ghaTtā jā rahā hai

utar bhī saktā hai sartān kī tarah mujh meñ
vo ishq jo mire vahm-o-gumāñ se bāhar hai

ajiib jalve haiñ hosh dushman ki vahm ke bhī qadam ruke haiñ
ajiib manzar haiñ hairat-afzā nazar jahāñ thī vahīñ thamī hai

but-gar hai na koī but-shikan hai
sab vahm-o-gumān-e-brahman hai

ab vahm hai ye duniyā is meñ
kuchh kho.o to kyā aur paao to kyā

'alvī' kivāḌ khol ke dekhā to kuchh na thā
vo to qusūr thā mire vahm-o-gumān kā

pare vo aql se haiñ is yaqīñ ne rok liyā
kabhī jo vahm ke pīchhe meñ rah-navard huā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

manzil pe gard-e-vahm-o-gumāñ thī vo dhul ga.ī
raste meñ aql o hosh kā patthar thā haT gayā

na vo fazā na vo chashme na vādiyāñ na vo log
magar ye vahm mirī raah dekhtā koī hai

sab vahm thā duniyā thī falak thā na zamīñ aur
jab ā.īna dekhā to nazar aa.e hamīñ aur hamīñ aur

abhī to ham-nafasoñ ko hai vahm-e-chāragarī
huī na dard meñ phir bhī kamī to kyā hogā

sūraj chaḌhā to dil ko ajab vahm sā huā
dushman jo shab ko maarā thā vo uTh khaḌā huā

dard ho to davā bhī mumkin hai
vahm kī kyā davā kare koī