Tags-Waqt

aao ta.amīr kareñ aisā mohabbat kā makān
vaqt ke hāthoñ jo mismār na hone paa.e

kabhī duurī thī lekin ab ḳhayāl-e-ḳhauf-e-dūrī hai
fuġhāñ kī sā.ateñ guzrīñ duā karne kā vaqt aayā

phir ik gum-karda-rāh-e-zindagī ko mil ga.ī manzil
sujūd-e-shukr-e-be-pāyāñ adā karne kā vaqt aayā

vo aate haiñ 'shakīl' ab apne dil se haath dho baiTho
nigāh-e-nāz kī qīmat adā karne kā vaqt aayā

ravāñ haiñ apne markaz kī taraf āsūda ummīdeñ
hujūm-e-yās ko dil se judā karne kā vaqt aayā

nigāh o dil se ab tafsīr-o-sharh-e-āzrū hogī
zabān o lab se tark-e-iltijā karne kā vaqt aayā

unheñ āmāda-e-mehr-o-vafā karne kā vaqt aayā
baḌī muddat meñ arz-e-mudda.ā karne kā vaqt aayā

har ik jurm-e-mohabbat us nigāh-e-lutf ke sadqe
naved-e-āfiyat le kar ḳhatā karne kā vaqt aayā

bahār aa.ī kisī kā sāmnā karne kā vaqt aayā
sambhal ai dil ki iz.hār-e-vafā karne kā vaqt aayā

kahāñ tak ḳhatm rahtā darmiyāñ par dil kā afsāna
bil-āḳhir darmiyāñ se ibtidā karne kā vaqt aayā

us ko terā payāmbar samjhūñ
maut agar vaqt-e-intizār aa.e

na dekh vaqt yuuñ mujh ko ye terā chehra hai
jo shaḳhs mujh meñ chhupā hai vo kitnā saada hai

mujhī tīra-baḳht kī baat hai ki ye vaqt vaqt kī baat hai
jise yaad kar ke jiyūñ usī ko bhulānā ho kahīñ yuuñ na ho

bhūlnā sahl nahīñ vaqt kī sañgīnī kā
zaḳhm bhartā hai magar us kā nishāñ rahtā hai

nahīñ to vaqt hī samjhā.egā tujhe ik din
maiñ chāhtā huuñ mirī baat ko dobāra samajh

maiñ kahīñ aa.uuñ maiñ kahīñ jā.ūñ
vaqt jaise rukā sā rahtā hai

bahut the aish ke lamhoñ meñ jāñ-nisār apne
paḌā jo vaqt koī ġham-gusār bhī na milā

ḳhayālāt-e-paiham meñ har vaqt gum-sum
dil-e-narm-o-nāzuk pe abr-e-tavahhum

vaqt se kyā gila karūñ 'shāhid'
vaqt kā iltifāt kam to nahīñ

'shād' ghabrā gayā ik umr se jiite jiite
vo bulā leñ mujhe is vaqt to ehsāñ un kā