Tags : Yaad | Urdu Shayar

jo naam kabhī naqsh thā dil par vo nahīñ yaad
ab us kā patā yād-dahānī se milā hai

dil ek nai duniya-e-maani se mila hai

har gaam hādsa hai Thahar jā.iye janāb
rasta agar ho yaad to ghar jā.iye janāb

har gam hadsa hai Thahar jaiye janab

yaad to hoñgī vo bāteñ tujhe ab bhī lekin
shelf meñ rakkhī huī band kitāboñ kī tarah

tumhārī yaad kā ik dā.era banātī huuñ
phir is meñ rahne kī koī jagah banātī huuñ

tumhaari yaad ka ek daera banati hun

vo shahr se guzrā thā faqat yaad hai utnā
phir koī bhī dastār salāmat nahīñ dekhī

aankhon ne bahut din se qayamat nahin dekhi

ham ne bhī kī thiiñ koshisheñ ham na tumheñ bhulā sake
koī kamī hamīñ meñ thī yaad tumheñ na aa sake

naġhmoñ kī ibtidā thī kabhī mere naam se
ashkoñ kī intihā huuñ mujhe yaad kījiye

naghmon ki ibtida thi kabhi mere nam se

vaqt har zaḳhm ko bhar detā hai kuchh bhī kiije
yaad rah jaatī hai halkī sī chubhan kī had tak

baḌhe hue the mirī samt kitne pyaar ke haath
kahāñ ye lā ke tirī yaad ne Duboyā hai

wo jis ne mere dil o jaan mein dard boya hai

har ik dhaḌkan dard kī gahrī Tiis meñ Dhal jaatī hai
raat ga.e jab yaad kā panchhī apne par phailā.e

tum yaad mujhe aa jaate ho
jab sehn-e-chaman meñ kaliyāñ khil kar phuul kī sūrat hotī haiñ

tum yaad mujhe aa jate ho