Tags-Yaad

tum yaad mujhe aa jaate ho
tum yaad mujhe aa jaate ho

shāyad mirī ulfat ko bahut yaad karogī
apne dil-e-māsūm ko nāshād karogī

ab to kuchh bhī yaad nahīñ hai
ham ne tum ko chāhā hogā

aa jaa.eñ ham bhī yaad kisī baat par kabhī
āshiq hue haiñ ab to mirī jaañ na.e na.e

sau sau tarah satātī hai ik ik kī yaad ab
shab aap ne kiye the jo ehsāñ na.e na.e

jabīn-e-ḳhud-pasand ko sazā-e-dard yaad ho
sar-e-junūn-kosh meñ ḳhayāl-dār chāhiye

'surūr' aatā hai jab vo yād-dilbar
to jaañ bas merī ho jaatī hai san se

ujāltā hai ye tārīkiyāñ mire dil kī
tumhārī yaad ko har pal diyā banātī huuñ

hameñ tum yaad ho har lahza lekin
hamārī bhī kabhī to kījiye yaad

tirā ubhrā huā siina jo ham ko yaad aatā hai
to ai rashk-e-parī pahroñ kaf-e-afsos milte haiñ

yaad ne harf harf gherā hai
gar likhūñ to kitāb ho jaa.e

baiThe baiThe kaisā dil ghabrā jaatā hai
jaane vāloñ kā jaanā yaad aa jaatā hai

phir us akelī bharī dopahar ne jhulsā hai
ki yaad aane lagā sub.h se vo pāgal phir

dil ko ḳhudā kī yaad tale bhī dabā chukā
kam-baḳht phir bhī chain na paa.e to kyā karūñ

maiñ use yaad kī baisākhiyāñ lā detī huuñ
shab apāhij hai sahāre se guzar jaatī hai

nazar se jis kī ab mastūr huuñ maiñ
usī kī yaad se ma.amūr huuñ maiñ

dhaḌak rahī hai koī yaad surḳh phūloñ meñ
jhapak rahī hai diloñ meñ palak mohabbat kī

ga.e baaġh meñ kisī gul tale to vahāñ bhī apnā na jī lagā
le ba-rañg-e-ġhuncha jamā.iyāñ tujhe yaad kar ke chale ga.e

javāz-e-āb-o-tāb ab gulāb ke liye nahīñ
hamārī yaad zīnat-e-kitāb ke liye nahīñ

gañgā-jī kī pyārī lahreñ giit sunātī jaatī haiñ
sadiyoñ kī tahzīb hamārī yaad dilātī jaatī haiñ