Tags-Yaad

bas itnā yaad hai koī bagūlā uTThā thā
phir is ke ba.ad maiñ sahrā-e-iztirāb meñ thā

ye ajnabī sī manzileñ aur raftagāñ kī yaad
tanhā.iyoñ kā zahr hai aur ham haiñ dosto

bhuul jaane kā mujhe mashvara dene vaale
yaad ḳhud ko bhī na maiñ aa.uuñ kuchh aisā kar de

narm fazā kī karvaTeñ dil ko dukhā ke rah ga.iiñ
ThanDī havā.eñ bhī tirī yaad dilā ke rah ga.iiñ

shaam bhī thī dhuāñ dhuāñ husn bhī thā udaas udaas
dil ko ka.ī kahāniyāñ yaad sī aa ke rah ga.iiñ

yaad kuchh aa.iiñ is tarah bhūlī huī kahāniyāñ
kho.e hue diloñ meñ aaj dard uThā ke rah ga.iiñ

jhuum ke phir chalīñ havā.eñ vajd meñ aa.iiñ phir fazā.eñ
phir tirī yaad kī ghaTā.eñ sīnoñ pe chhā ke rah ga.iiñ

terī jānib hī khīñch laatī hai
yaad jaise sarāb hai koī

sitam koī nayā ījād karnā
to mujh ko bhī mirī jaañ yaad karnā

shāyad kisī kī yaad kā mausam phir aa gayā
pahlū meñ dil kī tarah dhaḌakne lagī hai shaam

vo yaad kar bhī rahā ho to fā.eda kyā hai
ye dil ujaaḌ paḌā hai ise milā kyā hai

raat ik shaḳhs bahut yaad aayā
jis ghaḌī chāñd numūdār huā

ab ke tajdīd-e-vafā kā nahīñ imkāñ jānāñ
yaad kyā tujh ko dilā.eñ tirā paimāñ jānāñ

yūñhī mausam kī adā dekh ke yaad aayā hai
kis qadar jald badal jaate haiñ insāñ jānāñ

avval avval kī mohabbat ke nashe yaad to kar
be-piye bhī tirā chehra thā gulistāñ jānāñ

jin kī yādoñ se raushan haiñ merī āñkheñ
dil kahtā hai un ko bhī maiñ yaad aatā huuñ

tirī yaad hai ki bujhī bujhī tirā zikr hai ki rukā rukā
tirī yaad se to sukūn thā tire zikr se to qarār thā

ek nazar dekhā thā us ne aage yaad nahīñ
khul jaatī hai dariyā kī auqāt samundar meñ

har ek lamha tirī yaad meñ basar karnā
hameñ bhī aa gayā ab ḳhud ko mo'tabar karnā

ab us kī shakl bhī mushkil se yaad aatī hai
vo jis ke naam se hote na the judā mire lab