Tags-Yaad

qisa-e-rafta ko dohrā to liyā 'azm' magar
kis masāfat pe tumheñ be-vatanī yaad aa.ī

ḳhamosh shahr kī sunsān sard rātoñ meñ
tumhārī yaad mire saath shab guzārtī hai

fazā-e-yād meñ tabdīliyāñ nahīñ hotīñ
jadīd shaḳhs purānī galī meñ dekh mujhe

yād-e-ayyām ki kuchh sar meñ samā.ī thī havā
ab vo TuuTā huā pindār kahāñ se lā.ūñ

yaad aatī hai 'sabā' be-vatnoñ kī kis ko
mujh ko yārān-e-vatan se koī shikva bhī nahīñ

jab bhī ḳhud ke haath jale tab baat ye sab ko yaad aatī hai
bachpan meñ jo siikh milī thī ab tak vo anmol rahī hai

na uThūñ dil meñ liye yād-e-sitam hashr ke din
is adā se sar-e-turbat hai pashemāñ koī

mere dil par to girīñ aable ban kar būñdeñ
kaun sī yaad ke sahrā the jo barsāt meñ the

dekhūñ huuñ gar alif ko to ai dil hazār baar
kartā huuñ yaad tere qad-e-dil-nashīn ko

zarā aage nikal ke dekhūñ agar
maiñ koī yād-e-raftagāñ bhī huuñ

vo chāñd ban ke mirī raat par utartā hai
to kaise yaad rakhūñ rañg phir qabāoñ kā

jaane kis lālach meñ aa kar sar kā saaya bech diyā
meñh meñ bhīge yaad aayā tinkoñ kā chhappar achchhā thā

yaad ke be-nishāñ jazīroñ se
terī āvāz aa rahī hai abhī

dar-e-dil se palTā har ik aane vaalā
tirī yaad kyā thī mirī pāsbānī

bhulā deñ yā kareñ ham yād-e-ġham yuuñ bhī hai aur yuuñ bhī
kisī ke hijr meñ ḳhud chashm-e-nam yuuñ bhī hai aur yuuñ bhī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

yaad ashkoñ meñ bahā dī ham ne
aa ki har baat bhulā dī ham ne

maiñ us pe sadqe jo jaa.e kisī kī yaad meñ jaañ
kisī ko chāhe maiñ qurbān jā.ūñ us dil ke

yā dasht meñ us bazm kī raunaq ko na kar yaad
yā shahr kī dīvār se sar phoḌ ke mar jā

ik dam meñ havā ho ga.e sab amalī o nazarī
the yaad jo asbāb o alāmāt to phir kyā