English
Favourite
Favourite
UrduShayarUrduShayar
Expand menu
Sign inAccount

Tags-Yaad

kabhī ġhamgīn hotā huuñ kabhī maiñ muskurātā huuñ
tumheñ jab yaad kartā huuñ to ḳhud ko bhuul jaatā huuñ
Ghazal
 kabhi ghamgin hota hun kabhi main muskuraata hun
kabhī fursat mile to dekh lenā ik nazar aa kar
tumhārī yaad meñ bujhtī huī sham.eñ jalātā huuñ
Ghazal
 kabhi ghamgin hota hun kabhi main muskuraata hun
aayā hī thā ḳhayāl ki phir dhuup Dhal ga.ī
bādal tumhārī yaad kā barsā thā aur bas
Ghazal
 barish thi aur abr tha dariya tha aur bas
jo vo nahīñ na sahī yaad hī sahī us kī
koī to hai jise 'ḳhāvar' ḳhayāl hai apnā
Ghazal
 KHushi hai apni na koi malal hai apna
ḳhat likkhūñ tumheñ yaad karūñ Thiik hai lekin
kyā Thiik mire dil ko qarār aa.e na aa.e
Ghazal
 KHushbu tere lahje ki mere fan mein basi hai
kisī kī yaad aatī hai to ye bhī yaad aatā hai
kahīñ chalne kī zid karnā mirā tayyār ho jaanā
Sher
 kisi ki yaad aati hai to ye bhi yaad aata hai
kabhī kabhī kuchh yaad bhī rakhnā paḌtā hai
kabhī kabhī har baat bhulānī paḌtī hai
Ghazal
 jab koi sach baat chhupani paDti hai
yaad aatī hai achchhī sī koī baat sar-e-shām
phir sub.h talak sochte rahte haiñ vo kyā thī
Sher
 yaad aati hai achchhi si koi baat sar-e-sham
shoḳhiyāñ terī yaad aatī haiñ
phir se aa kar mujhe satā yūñhī
Ghazal
 hoga kam apna fasla yunhi
ek sahmā huā sunsān galī kā nukkaḌ
shahr kī bhiiḌ meñ aksar mujhe yaad aayā hai
Ghazal
 humne jab koi bhi darwaza khula paya hai
ye be-sabab nahīñ aa.e haiñ aañkh meñ aañsū
ḳhushī kā lamha koī yaad aa gayā hogā
Sher
 ye be-sabab nahin aae hain aankh mein aansu
ghol de hijr ke rañgoñ meñ kuchh dil kā lahū
koī naqsh to us kī yaad kā zinda kar
Ghazal
 ye bhi koi baat ki sirf tamasha kar
vaañ dhyān kabhī tujh ko guzartā nahīñ merā
maiñ huuñ ki tirī yaad meñ yaañ aaTh pahar huuñ
Ghazal
 na barg hun main gul ka na lale ka shajar hun
phir huī yād-e-mai-kashī taaza
masti-e-abr-e-nau-bahār na pūchh
Ghazal
 hasrat-e-intizar-e-yar na puchh
go yaad hai ab tak mujhe ġham kā mausam
par Thiik nahīñ dil kī kahānī likhnā
Ghazal
 lafzon ko saja kar jo kahani likhna
DhūñDhne ko tujhe o mere na milne vaale
vo chalā hai jise apnā bhī pata yaad nahīñ
Ghazal
 dasht mein qais nahin koh pe farhad nahin
husn se chuuk huī is kī hai tārīḳh gavāh
ishq se bhuul huī hai ye mujhe yaad nahīñ
Ghazal
 dasht mein qais nahin koh pe farhad nahin
barbat-e-māh pe mizrāb-e-fuġhāñ rakh dī thī
maiñ ne ik naġhma sunāyā thā tumheñ yaad nahīñ
Ghazal
 dasht mein qais nahin koh pe farhad nahin
laao ik sajda karūñ ālam-e-madhoshī meñ
log kahte haiñ ki 'sāġhar' ko ḳhudā yaad nahīñ
Ghazal
 dasht mein qais nahin koh pe farhad nahin
gin rahā huuñ harf un ke ahd ke
mujh ko dhokā de rahī hai yaad kyā
Sher
 gin raha hun harf un ke ahd ke
Top Urdushayar.com