Tags-Yaad

ḳhvāb kī tarah se hai yaad ki tum aa.e the
jis tarah dāman-e-mashriq meñ sahar hotī hai

us ke kūche meñ jo dekhegā karegā mujhe yaad
apnī sūrat kī maiñ tasvīr kiye jaatā huuñ

dil ke ujḌe hue mandir ko basāne ke liye
le ke aa.ī thiiñ kisī yaad kī mash.al rūheñ

maiñ gāhe-gāhe use yaad kar hī letā thā
isī bahāne mirī zindagī bachī huī thī

vo be-hijāb mirī yaad se hijāb kare
ajiib kyā hai ki ab tak ḳhayāl meñ na milā

ḳhushbū vo pasīne kī tirī yaad na aa jaa.e
gul kaisā kabhī itr bhī sūñghā na kareñge

jaadū jagātī raat ke sāyoñ ke ās-pās
larzāñ tumhārī yaad kī pahnā.iyāñ bhī haiñ

yahī chāhatoñ kā usuul hai ki hatheliyoñ pe lahū sajā
use yaad rakhne kī aarzū hai to apne dil ko bhulā.e rakh

khiñchā jo tūl-e-shab-e-judā.ī añdherī madfan kī yaad aa.ī
nigāh o dil par vo yaas chhā.ī umiid jaatī rahī sahar kī

yaad kar ke hamārī furqat ko
apnā āñchal bhigo rahī hogī

dil pe yuuñ aks-fagan hai koī bhūlī huī yaad
sar-e-kohsār dhundalke kā samāñ ho jaise

but-parastī meñ bhī bhūlī na mujhe yād-e-ḳhudā
haath meñ sub.ha gale meñ mire zunnār rahā

huī muddat ki 'ġhālib' mar gayā par yaad aatā hai
vo har ik baat par kahnā ki yuuñ hotā to kyā hotā

tajā thā sovarg kyuuñ sab yaad aayā
pakkī gandum ko jab darāñtī se kaapā

yaad hai 'ānis' pahle tum ḳhud bikhre the
ā.īne ne tum se bikharnā sīkhā thā

yaad tirī thī ki mire dil meñ gaḌī thī
dard mirā thā kisī shumār meñ na thā

roz dohrāte the afsāna-e-dil
kis tarah bhuul gayā yaad nahīñ

dil ajab mushkil meñ hai ab asl raste kī taraf
yaad pīchhe khīñchtī hai aas aage kī taraf

ye bhuul bhī kyā bhuul hai ye yaad bhī kyā yaad
tū yaad hai aur koī nahīñ tere sivā yaad

jo duā ko haath uThā.e bhī to murād yaad na aa sakī
kisī kārvāñ kā jo zikr thā vo pas-e-ġhubār kahāñ rahā