Tags-Yaad

suḳhan ke kuchh to guhar maiñ bhī nazr kartā chalūñ
ajab nahīñ ki kareñ yaad maah o saal mujhe

yaad un kī yuuñ na jā.egī use
kuchh bahānā kar ke Taalā chāhiye

tirī sanjīda bāteñ yaad aa.eñ to hañsātī haiñ
tirī sab bholpan meñ kī huī bāteñ satātī haiñ

vahāñ ab jā ke dekheñ ham se kyā irshād karte haiñ
qazā kahtī hai chaliye aap ko vo yaad karte haiñ

na chhoḌā saath mahshar tak hamārā tū vo mūnis thā
ġham-e-marhūm tujh ko ḳhuld meñ ham yaad karte haiñ

tirī yaad aa.ī to kis tarah maiñ pukārtā hī chalā gayā
koī dam rukā to ḳhabar huī ki ye koh koh-e-nidā sā hai

ḳhush-hāliyāñ dehlī kī bajā aaj bhī lekin
yaad aatī hai kalkatte kī vo shoḳh javānī

kabhī kabhī to mujhe yaad tak nahīñ rahtā
ki chāñd jaltā hai shab meñ yā dil jalātī huuñ

rahtī hai saath saath koī ḳhush-gavār yaad
tujh se bichhaḌ ke terī rifāqat ga.ī nahīñ

karte jo mujhe yaad shab-e-vasl adū tum
kyā sub.h ki ḳhurshed na tā-shām nikaltā

jab khile phuul chaman meñ to tirī yaad aa.ī
chand aañsū bhī masarrat ke bahāne nikle

tumhārī yaad ne aise hameñ zinda rakhā ab tak
kisī ne jaise girne se imārat rok rakkhī hai

auroñ pe karoge jab jafā.eñ
yaad aa.egī ye vafā mire ba.ad

chamak uThe mirī palkoñ pe yaad ke jugnū
ye kis ne pyaar se phir aaj mujh ko dekhā hai

yaad ke darīchoñ meñ bārishoñ ke manzar haiñ
kis nagar kī bāteñ haiñ kin rutoñ ke manzar haiñ

ḳhush-rañg huā aur tirī yaad kā manzar
palkoñ pe agar koī sitārā nazar aayā

mausam-e-dard kī āñdhī meñ tirī yaad aa.ī
ham to hijrat meñ bhī manzar tujhe chamkā ke khule

jidhāñ dekhūñ bahārāñ meñ nashāt-e-bulbul-o-qumrī
mujhe us vaqt be-shak yaad ayyām-e-shabāb aave

diloñ ko tere tabassum kī yaad yuuñ aa.ī
ki jagmagā uTheñ jis tarah mandiroñ meñ charāġh

kisī kī yaad hai aur hasratoñ kā mātam hai
bahut dinoñ se lagātār aañkh pur-nam hai