Tags-Yaad

būḌhā totā kis kis ko
yaad karegā jañgal meñ

jab rañj zamāna detā hai ham maut ko dāvat dete haiñ
phir tum kyuuñ yaad aa jaate ho jiine ko tabī.at hotī hai

jab kisī ġhunche kā muñh chūmtī hai mauj-e-nasīm
yaad aatā hai tire lab kā gulistāñ honā

ḳhud ko jis ke liye bhulātī huuñ
kyā use bhī maiñ yaad aatī huuñ

ye āñkheñ surḳh sī kyuuñ ho rahī haiñ
kisī kī yaad kī bārish huī kyā

hūroñ se na hogī ye mudārāt kisī kī
yaad aa.egī jannat meñ mulāqāt kisī kī

gul yaad na amvāj-e-nasīm-e-saharī yaad
kuchh bhī nahīñ juz ālam-e-be-bāl-o-parī yaad

ḳhurshīd-e-sahar āriz-e-mahtāb kā aalam
nazroñ ko abhī tak hai tirī jalvagarī yaad

sū-e-haram-o-dair kabhī ruḳh na kareñge
jin ko mire saaqī kī hai rañgīñ-nazarī yaad

jalvoñ kā taqāzā nahīñ kartī nazar un kī
rahtī hai jinheñ husn kī dīvāna-garī yaad

ye vaqt ba-har-hāl guzar jā.egā lekin
rah jā.egī aahoñ kī hameñ be-asarī yaad

maiñ vo huuñ ki parde meñ tujhe dekh chukā huuñ
shāyad ho tujhe merī vasī.a-un-nazarī yaad

mai-ḳhāna thā aur shaġhl-e-mai-nāb thā 'shā.ir'
ab tak hai mujhe dāman-e-zāhid kī tarī yaad

kabhī kabhī yaad meñ ubharte haiñ naqsh-e-māzī miTe miTe se
vo āzmā.ish dil o nazar kī vo qurbateñ sī vo fāsle se

tujh se tark-e-ta.alluqāt bhī hai
aur tirī yaad se mafar bhī nahīñ

jab sar-e-shām koī yaad machal jaatī hai
dil ke vīrāne meñ ik sham.a sī jal jaatī hai

chāhtā huuñ ki bhuul jā.ūñ tumheñ
aur ḳhud bhī na yaad aa.uuñ tumheñ

mah hai agar jū-e-shīr tum bhī zarī-posh ho
duudh chhaTī kā use yaad dilāne chalo

'faiz' na ham 'yūsuf' na koī 'yāqūb' jo ham ko yaad kare
apnī kyā kan.āñ meñ rahe yā misr meñ jā ābād hue

yaad un kī dil meñ aa.ī vo āsūdgī liye
zulmat meñ aa.e jaise koī raushnī liye