Tags-Zindagi

zindagī kā ajab mo.āmla hai
ek lamhe meñ faisla kiije

anā se dekho kitnā bhar ga.e haiñ
to kyā ham zindagī se Dar ga.e haiñ

thī titliyoñ ke ta.āqub meñ zindagī merī
vo shahr kyā huā jis kī thī har galī merī

matl.a ġhazal kā ġhair zarūrī kyā kyuuñ kab kā hissa hai
zindagī chokleT cake hai thoḌā thoḌā sab kā hissa hai

ḳhayāl-e-husn zarūrī hai zindagī ke liye
charāġh le lo añdhere meñ raushnī ke liye

ehtirāman zindagī ko muñh lagānā hī paḌā
varna ham aur zindagī kā zahr tauba kījiye

zindagī se thak ke us kūche meñ huuñ baiThā huā
jaise apne vaqt kā suufī baḌā pahuñchā huā

zindagī raqsāñ ho 'mahshar' jhuum uTThe kā.enāt
ḳhvāb se uTThā huuñ maiñ añgḌā.iyāñ letā huā

zindagī kī aaj qadreñ haiñ faqat gamloñ ke phuul
un meñ ra.anā.ī hai jaḌ un kī magar gahrī nahīñ

ravāñ-davāñ hai rag-e-sañg meñ lahū kī tarah
vo zindagī kā talātum jo baar baar uThā

yahī zindagī hai burī-bhalī ye kashīda sar ye barahna-pā
na ġhubār-e-rāh se muzmahil na sukūn-e-jāñ kā i.aada hai

zindagī kyā hai ik kahānī hai
ye kahānī nahīñ sunānī hai

zindagī kī har nafas meñ be-kalī tere baġhair
har ḳhushī lagtī hai dil ko ajnabī tere baġhair

to zindagī ko ji.eñ kyuuñ na zindagī kī tarah
kahīñ pe phuul kahīñ par sharar banāte hue

zindagī ke āḳhirī lamhe ḳhushī se bhar gayā
ek din itnā hañsā vo hañste hañste mar gayā

na to āshnā na hī ajnabī na koī badan hai na ruuh hī
yahī zindagī kā hai falsafa ye jo falsafa hai ye Thiik hai

phir vahī raqs-e-sharār-e-zindagī
phir vahī husn-e-latāfat-rez kī tābindagī

mizāj-e-ishq ho mānūs-e-zindagī itnā
ki misl-e-ḳhalvat-e-mahbūb ho bharī duniyā

na ho jo zindagī anjām vo vijdān-e-nāqis hai
huzūr-e-shamm'a bād-e-vajd parvāne pe kyā guzrī

sub.h tak ḳhatm ho hī jā.egā
zindagī raat bhar kā qissa hai