Tags-Zindagi

jīte-jī ḳhatm ho nahīñ saktā
zindagī umr bhar kā qissa hai

bahut mushkil se miltī hai adab kī zindagī lekin
suḳhan-var kyoñ ise itnā hai phir āsān le baiThā

fursat-e-zindagī bahut kam hai
aur bahut der āshnā hai koī

zindagī bhar aañkh se aañsū nadāmat ke gire
aur mere dil kā suffā yuuñ hī saada rah gayā

jald manzil tak pahuñchne kā junūñ us ko rahā
zindagī bhar is liye rasta badaltā rah gayā

shaiḳh sāhab se rasm-o-rāh na kī
shukr hai zindagī tabāh na kī

charāġh-e-bazm tirī mansabī hai kitnī der
sharar-nazhād hai to zindagī hai kitnī der

ajiib shaḳhs mirī zindagī meñ aayā thā
na yaad rakhūñ use aur na bhuul saktā huuñ

har qadam sahte haiñ lamhoñ kā azaab
zindagī koī ḳhatā ho jaise

zindagī yuuñ hai gurezāñ 'sarvat'
ham ne kuchh maañg liyā ho jaise

zindagī sañg banī thī tujhe ruḳhsat kar ke
dil na dhaḌkā thā to marne meñ bhī āsānī thī

zindagī maut ke pahlū meñ bhalī lagtī hai
ghaas is qabr pe kuchh aur harī lagtī hai

ye hunar gir har insān meñ hotā
zindagī kitnī ḳhush-gavār hotī hai

faqat ik sarāb hai zindagī ki hasīñ sā ḳhvāb hai zindagī
mire ḳhvāb āñkhoñ se chhin ga.e to ye zindagī bhī muhāl hai

jo ho band aañkh to kyā ḳhabar hameñ saaf aane lage nazar
jise ham samajhte haiñ zindagī faqat ek ḳhvāb-o-ḳhayāl hai

haañ ai shab-e-firāq tujhe jāntā huuñ maiñ
tū sub.h tak rahī to mirī zindagī nahīñ

aap jal jaa.e magar auroñ ko mahzūz kare
zindagī tum bhī guzāro yuuñ hī sandal kī tarah

merī duniyā mirī zindagī tak hī hai aur ik din merī maut ke saath hī
ḳhātma merī duniyā kā ho jā.egā merī duniyā mire saath mar jā.egī

zindagī ko na hai aarzū ko 'vafā' hasrat-āgīñ hai donoñ kā shahr-e-vafā
zindagī aarzū meñ guzar jā.egī aarzū dil meñ ghuT ghuT ke mar jā.egī

vo sarḳhushī de ki zindagī ko shabāb se bahara-yāb kar de
mire ḳhayāloñ meñ rañg bhar de mire lahū ko sharāb kar de