Tags-Zindagi

ishq baḌhtā rahā sū-e-dār-o-rasan zaḳhm khātā huā muskurātā huā
rāsta rokte rokte thak ga.e zindagī ke badalte hue zāviye

ḳhatm hone ko hai qissa-e-zindagī ab hameñ aap se koī shikva nahīñ
Tal na jaa.e kahīñ maut aa.ī huī pursish-e-ġham kī zahmat na farmā.iye

jis ne 'āmir' matā-e-ḳhudī bech dī sach ye hai ismat-e-zindagī bech dī
sar jhukāne se behtar hai sar dījiye bhiik lene se behtar hai mar jā.iye

dukh bahut haiñ zindagī meñ kyā kareñge ham
vo jo terā farz thā adā kareñge ham

aap pī pī ke lamhoñ kī sab bārisheñ zindagī ke makāñ par barastī rahīñ
is liye to pighal kar mire jism kī saarī miTTī ga.ī saarā gaarā gayā

ye zindagī safar hai Thahar hī na jā.iye
ye bhī ki be-ḳhayāl guzar hī na jā.iye

betāb maut kī ye lalak zindagī bhī hai
yuuñ intizār-e-maut meñ mar hī na jā.iye

zindagī uljhā huā ik silsila
phāñs ik chubhtī huī sāñsoñ meñ hai

pattharoñ se kab talak bāñdhegī ummīd-e-vafā
zindagī dekhegī kab tak jāgtī āñkhoñ se ḳhvāb

muTThiyoñ meñ ḳhaak le kar dost aa.e vaqt-e-dafn
zindagī bhar kī mohabbat kā silā dene lage

koī dil meñ samā gayā huā thā
zindagī se maiñ āshnā huā thā

abhī sitāroñ meñ baaqī hai zindagī kī ramaq
kuchh aur der zarā narm garm chādar khīñch

merī taḳh.īl meñ alfāz kī zanjīreñ thiiñ
zindagī varna zamāne tirī raftār meñ thī

zindagī maiñ abhī salāmat huuñ
maiñ asar terī bad-duā kā huuñ

ġhamoñ ke bojh se TuuTī hai zindagī kī kamar
badan pe zaḳhm kaheñ chāra-gar nahīñ aa.e

mohabbat zindagī se vo bhī behad
kahīñ ye zindagī dhokā na kar de

dekhā to zindagī meñ bahut kāmyāb the
sochā to jiit aa.ī nazar maat kī tarah

har shaḳhs kī jabīñ par karte haiñ raqs taare
har shaḳhs zindagī kī ra.anā.ī chāhtā hai

tū bhī nārāz bahut hai mujh se
zindagī tujh se ḳhafā huuñ maiñ bhī

zindagī kī to kabhī bhar na sakī almārī
pur kiye maiñ ne tamannāoñ ke saare ḳhāne