Tags-Zindagi

matā-e-zindagī samjhā thā soz-e-ġham ko maiñ 'hāshim'
miTā jaanā hai vo bhī iztirāb āhista āhista

na ghar rahā na sukūñ nā ye zindagī hī rahī
gayā hai sab na magar dard yā-ilāhī gayā

ujāle apnī yādoñ ke hamāre saath rahne do
na jaane kis galī meñ zindagī kī shaam ho jaa.e

suljhāyā jitnā utnī hī uljhī ye zindagī
is zindagī kī hal nahīñ hotī paheliyāñ

ye guftugū guftugū nahīñ hai bigaḌne banñe kā marhala hai
dhaḌak rahā hai fazā kā siina ki zindagī kā muāmla hai

rāh-e-vafā meñ jī ke mare mar ke bhī jiye
khelā usī tarah se kiye zindagī se ham

maiñ so gayā
to zindagī alāmatoñ kī khoj meñ nikal ga.ī

ye kis maqām pe le aa.ī zindagī 'rāhī'
ki har qadam pe ajab bebasī kā aalam hai

zindagī kā nayā mizāj 'niyāz'
dard ke ḳhāndān se niklā

dekhā kiye rāsta kisī kā
thā shaġhl ye apnī zindagī kā

marnā marne kī aarzū meñ
hāsil hai ye apnī zindagī kā

kahāñ ke ishq-o-mohabbat kidhar ke hijr o visāl
abhī to log taraste haiñ zindagī ke liye

talḳh kar dī hai zindagī jis ne
kitnī mīThī zabān hai pyāre

ḳhair fariyād be-asar hī sahī
zindagī kā nishān hai pyāre

pesh-goī kisī anjām kī jab miltī nahīñ
zindagī kaise tujhe vaqf-e-mohabbat kar deñ

qahqahe kī maut hai yā maut kī āvāz hai
siskiyāñ letā huā ab zindagī kā saaz hai

tirī aarzū se bhī kyuuñ nahīñ ġham-e-zindagī meñ koī kamī
ye savāl vo hai ki jis kā ab koī ik javāb nahīñ rahā

maiñ kyā jānūñ gharoñ kā haal kyā hai
maiñ saarī zindagī bāhar rahā huuñ

terā apnā rāsta thā merā apnā rāsta
is pe bhī ai zindagī tujh ko basar maiñ ne kiyā

ġham huā merī zindagī kā madār
is qadar ġham kā ehtirām kiyā