Tags-Zindagi

kyā karūñ dūsre janam kā maiñ
zindagī kal bhī ajnabī hogī

jis se tum dāman-kashāñ ho zindagī kī raah meñ
ruuh kī gahrā.iyoñ meñ vo utar jaa.e to phir

haa.e ye be-sar-o-sāmānī-o-be-tartībī
zindagī kyā kisī mai-ḳhvār kā ghar hai ai dost

be-charāġhāñ bastiyoñ ko zindagī de
ik sitam aisā bhī kar ījād taaza

milā na tū to ġham-e-zindagī ke dīvāne
idhar hī lauT paḌe maiñ terā patā jo huā

yaañ terī kamar hī jab na dekheñ
phir hech hai zindagī hamārī

yuuñ na kisī tarah kaTī jab mirī zindagī kī raat
chheḌ ke dāstān-e-ġham dil ne mujhe sulā diyā

jo zindagī bachī hai use mat ga.vāiye
behtar ye hai ki aap mujhe bhuul jā.iye

jaag uTThī haiñ zindagī kī rāheñ
shāyad koī chāñd ko gayā hai

na jaane kyuuñ ye sāñseñ chal rahī haiñ
maiñ apnī zindagī to jī chukā huuñ

ġham-e-andesha-hā-e-zindagī kyā
tapish se āgahī kī jal rahā huuñ

sun rahā huuñ be-sadā naġhma jo maiñ bā-chashm-e-tar
chupke chupke zindagī hañstī hai mere haal par

kyā qayāmat hai ki ik shaḳhs kā ho bhī na sakūñ
zindagī kaun sī daulat hai ki kho bhī na sakūñ

kuchh is salīqe se guzrī hai zindagī apnī
har ek tiir pe ham dil kushāda karte rahe

mire giroh kā rishta hai us qabīle se
jo zindagī kā safar pā-piyāda karte rahe

vo jo shahsavār hai teġh-zan rah-e-zindagī
mire saath vaqt-e-zavāl meñ nahīñ aa.egā

mujhe dhun ki kākul-e-zindagī jo bikhar ga.ī hai sañvār duuñ
tumheñ ġham ki ishq ke tazkire mire sher-o-fan se chale ga.e

gulsitān-e-zindagī meñ zindagī paidā karo
muskurā kar ruuh meñ kuchh tāzgī paidā karo

murdanī chehre banā kar fā.eda jiine se kyā
kam se kam is zindagī meñ zindagī paidā karo

dekh lenā ye jahāñ jannat-nishāñ ban jā.egā
dushmanoñ se rasm-o-rāh-e-zindagī paidā karo