Tags-Zindagi

le de ke apne paas faqat ik nazar to hai
kyuuñ dekheñ zindagī ko kisī kī nazar se ham

ai sitam-āzmā jafā kab tak
kushta-e-zindagī vafā kab tak

haath phir baḌh rahā hai sū-e-jām
zindagī kī udāsiyoñ ko salām

Dūbne vaale sitāre ko bhalā kab tak pukāre
zindagī kī raat ko sūraj ke hañs dene kā Dar hai

aivān-e-farruḳhī kī tāmīr-e-nau mubārak
ā.īn-e-zindagī kī tadbīr-e-nau mubārak

zindagī-bhar mere apnoñ ne diyā mujh ko fareb
the jo begāne unhoñ ne aa ke apnāyā mujhe

va.ada-e-imroz-o-fardā meñ ulajh kar rah gayā
zindagī-bhar sabz-bāġh ik aisā dikhlāyā mujhe

kar dī sab apnī matā-e-zindagī jis par nisār
ye jahān-e-rañg-o-bū hargiz na raas aayā mujhe

maiñ samajhtā thā jise apnā rafīq-e-zindagī
taḳhta-e-mashq-e-sitam us ne hī banvāyā mujhe

zindagī ban ga.ī hai afsāna
mujh ko le aa.e vāqi.āt kahāñ

jald manzil tak pahuñchne kā junūñ us ko rahā
zindagī bhar is liye rasta badaltā rah gayā

ġham-e-zindagī kā ilaaj to kabhī maut se bhī na ho sakā
ye vo saḳht qaid-e-hayāt hai kisī tarah jis se mafar nahīñ

mujhe ai 'figār' na mil sakā koī lamha sub.h-e-nashāt kā
mirī zindagī hai vo shām-e-ġham ki jo rūshanās-e-sahar nahīñ

jahāñ maiñ huuñ
hazāroñ ḳhvāhisheñ āsūdgī kī zindagī kā pairahan ban kar

zindagī kī haqīqat ajab ho ga.ī
aaj kal ho rahī hai basar ḳhvāb meñ

umr bhar kī baat bigḌī ik zarā sī baat meñ
ek lamha zindagī bhar kī kamā.ī khā gayā

us taraf jaate hue ab dil dahaltā hai 'nazīr'
zindagī meñ jis taraf se bār-hā aayā gayā

maut ke saa.e meñ 'tāriq' aarzū kī dhuup thī
kārobār-e-zindagī be-e'tibārāna chalā

ḳhizāñ kī zad meñ hī ab tak tirā gulistāñ thā
hamīñ ne aa ke bahāroñ ko zindagī baḳhshī

un kā ġham un kā tasavvur un kī yaad
kaT rahī hai zindagī ārām se