Tags-Zindagi

talḳhi-e-zindagī are tauba
zahr meñ zahr kā mazā na milā

zindagī ke ā.īne meñ roz-o-shab
dekhtā hai apnā chehrā aadmī

ab to mushkil hai zindagī dil kī
ya.anī ab koī mājrā hī nahīñ

ek sannāTā musallat thā guzargāhoñ par
zindagī thī bhī kahāñ kūcha-e-qātil ke sivā

zindagī bhar kī hifāzat kī qasam khāte hue
bhaa.ī ke haath pe ik bahan ne rākhī bāñdhī

zindagī ret ke Tiile kī tarah hai 'ḳhāvar'
aarzū jaise koī āhū-e-be-parvā hai

be-zār ho na jaa.e kahīñ zindagī se dil
tāsīr se ḳhafā mire naale hue to haiñ

jitnī gahrā.ī hai 'ādil' utnī hī tanhā.ī hai
bas ki sat.h-e-zindagī par tairtā rahtā huuñ maiñ

zindagī maiñ ne tumheñ har haal meñ ābād rakkhā
rote hañste jiite marte be-nishāñ hote hue bhī

thī hausle kī baat zamāne meñ zindagī
qadmoñ kā fāsla bhī yahāñ ek jast thā

ik umar saath saath mire zindagī rahī
lekin kisī baḳhīl kī daulat banī rahī

isī zindagī ke hazār ufuq isī zindagī ke hazār ruḳh
isī ik ḳhayāl kī rau thī vo jo tirī jabīñ pe bikhar ga.ī

vo ġharīb-e-shahr kahe bhī kyā jo tirī zabāñ se hai be-ḳhabar
magar ek rāh-e-suḳhan bhī hai ki ye zindagī hai jidhar ga.ī

sisaktī zindagī ko zindagānī kaun detā hai
ḳhizāñ ke baad phir se rut-suhānī kaun detā hai

phir is ke ba.ad ye rasta kidhar ko jaatā hai
ye zindagī to koī gaam ḳhūbsūrat hai

ham haiñ rusvā-kun-e-dillī-o-lucknow apnī kyā zindagī apnī kyā aabrū
'mīr' dillī se nikalne ga.e lucknow tum kahāñ jāoge ham kahāñ jā.eñge

ye chaman-zār ye ḳhush-rañg bahāroñ kā jahāñ
zindagī kitnī dil-āvez-o-dil-ārā hai yahāñ

nuur hī nuur zamīñ se hai falak tak raqsāñ
zindagī kitnī dil-āvez-o-dil-ārā hai yahāñ

apne dariyāoñ kī har mauj meñ bijlī hai ravāñ
zindagī kitnī dil-āvez-o-dil-ārā hai yahāñ

azmat mehnat-o-īsār jabīnoñ se ayaañ
zindagī kitnī dil-āvez-o-dil-ārā hai yahāñ