Tags-Zindagi

zindagī apnī tamāsha hī sahī lekin ham
koī kirdār musalsal nahīñ karne vaale

fazl ik bas be-hisī aur shaġhl ik bas ḳhāmushī
ya.anī koī zindagī kā isti.āra bhī nahīñ

adab ai jazba-e-bebāk ye āh-o-fuġhāñ kaisī
ki aisī zindagī se maut par ilzām aatā hai

log kahte haiñ bechāre 'fārūq' kī maut ho bhī chukī zindagī ke liye
apnī hastī miTā.ī hai tere liye us ko jiinā bhī aayā hai tere liye

haa.e us minnat-kash-e-vahm-o-gumāñ kī justujū
zindagī jis ko na paa.e jo na paa.e zindagī

ye ittifāq thā maiñ us kā ham-zamāna thā
jo zindagī se ta.āruf thā ġhā.ebāna thā

kuchh nuqūsh aise bhī haiñ jo nahīñ miTte dil se
zindagī ishq kī ik ḳhvāb-e-farāmosh sahī

zindagī se haath ham ne dho liye
vaqt ik bahtā huā dariyā lagā

ek din aur zindagī jī leñ
raat bhar ko shabāb de diije

mohabbat to talab kī raah meñ ik aisī Thokar hai
ki jis se zindagī kī ret meñ zamzam ubalte haiñ

khone kī baat aur na paane kī baat hai
bas zindagī kā saath nibhāne kī baat hai

maut se pahle jahāñ meñ chand sāñsoñ kā azaab
zindagī jo qarz terā thā adā kar aa.e haiñ

dil hī kī dhaḌkanoñ se thī raftār-e-zindagī
jab dil hī mar chukā hai to phir zinda laash huuñ

chhoḌ bhī de mirā saath ai zindagī
mujh ko tujh se nadāmat hai shikva nahīñ

maiñ bahr-e-zindagī meñ jazīra-numā rahā
duniyā se ek rabt tirī aarzū kā thā

abhī shu.ūr ne bas dukhtī rag TaTolī hai
abhī to zindagī bas niiñd hī meñ bolī hai

sāhil pe laa.ī aur safīne Dubo diye
yuuñ zindagī ne ham ko hañsāyā ki ro diye

jī bhar ke meñ ne ḳhaak uḌā lī nagar nagar
ab zindagī ko ek qarīne meñ lā.ūñgā

hāsil-e-ġham yahī samajhte haiñ
maut ko zindagī samajhte haiñ

gale meñ haar phūloñ kā charan meñ dīp-mālā.eñ
mukuT sar par hai mukh par zindagī kī rūp-rekhā.eñ