Tags-Zindagi

zindagī dard kī tasvīr na banñe paa.e
bolte rahiye zarā hañste hañsāte rahiye

zindagī se rahī sohbat barsoñ
jaate jaate hī asar jaanā hai

zindagī se haiñ pashemāñ ham bhī
kal ye da.avā thā ki mar jaanā hai

dauḌā lahū ragoñ meñ bañdhī zindagī kī aas
ye bhī burā nahīñ hai jo bismil banā diyā

zindagī ik imtihāñ hai imtihāñ kā Dar nahīñ
ham añdheroñ se guzar kar raushnī kahlā.eñge

dil ko bahut aziiz hai aanā basant kā
'rahbar' kī zindagī meñ samānā basant kā

zindagī khel hai shatranj se bhī pechīda
jānñe vaalā bhī is baab meñ kyā jāntā hai

āsāniyoñ meñ jiinā mushkil sā ho gayā hai
maiñ zindagī ko thoḌā dushvār kar rahā huuñ

zindagī kī zulmateñ apne lahū meñ rach ga.iiñ
tab kahīñ jā kar hameñ āñkhoñ kī bīnā.ī milī

zindagī meñ pyaar kā saudā karo
achchhā gāhak ho to bik jaayā karo

rāt-bhar chāñd kī galiyoñ meñ phirātī hai mujhe
zindagī kitne hasīñ ḳhvāb dikhātī hai mujhe

zindagī nīche kahīñ muñh dekhtī hī rah ga.ī
kitnā ūñchā le gayā jiine kā me.aar aadmī

jo kafan bāñdh ke chalte haiñ vafā kī rah meñ
zindagī kar chuke nīlām tumheñ kyā ma.alūm

gardish-e-daurāñ kī zad meñ yuuñ hai apnī zindagī
jaise chakrātī ho kashtī halqa-e-girdāb meñ

Thahr jaanā maut hai aur chalte rahnā zindagī
zindagī baaqī rahe āvārgī baaqī rahe

zaḳhm khātī huuñ muskurātī huuñ
yuuñ ġham-e-zindagī nibhātī huuñ

ruuh afsurda tabī.at mirī ġham-kosh huī
zindagī apne hī mātam meñ siyah-posh huī

zindagī un ke fasānoñ se bhī uktā sī ga.ī
jo thī sar-tā-ba-qadam gosh girāñ-gosh huī

zindagī ko sambhāl kar rakhnā
ek be-dard kī amānat hai

mere dard meñ ye ḳhalish kahāñ mere soz meñ ye tapish kahāñ
kisī aur hī kī pukār hai mirī zindagī kī sadā nahīñ