Tags-Zindagi

pahle maḳhtūn aql ko kar leñ
zindagī phir banā.eñ islāmī

chāñd vīrān hai sadiyoñ se mire dil kī tarah
zindagī ġham hai ḳhalā meñ mirī manzil kī tarah

girah-e-shām-o-sahar ahl-e-ḳhirad se na khulī
zindagī aaj bhī hai uqda-e-mushkil kī tarah

ye jahāñ hai mahbas-e-be-amāñ koī saañs le to bhalā kahāñ
tirā husn aa gayā darmiyāñ yahī zindagī kā javāz hai

tire ġham se dil phir amiir ho koī chāñd nikle safīr ho
shab-e-dasht ho hai ye zindagī na nasheb hai na farāz hai

zindagī se ab yahī do-chār pal kā saath hai
pāniyoñ se aa gayā huuñ daldaloñ ke darmiyāñ

tujhe kyā ho qadr malāl kī tū hai nā-rasīda-e-zindagī
jo bahut phire haiñ galī galī tū jabīñ pe gard-e-safar paḌī

zindagī myth nahīñ
jo purāne ma.ānī kī

hai hayāt-e-jehd nafas nafas rah-e-āshiyāñ hai qafas qafas
jo na nok-e-ḳhār pe chal sake rah-e-zindagī se bhaTak ga.e

mire zehn-o-dil kī basīrateñ ġham-e-zindagī kī haqīqateñ
mire lab pe giit nahīñ haiñ vo ki jo pāyaloñ meñ chhanak ga.e

mirī zindagī ke charāġh kā ye mizāj koī nayā nahīñ
abhī raushnī abhī tīrgī na jalā huā na bujhā huā

guzar jā.egī saarī zindagī ummīd meñ
na jiine degī ye jiine kī tayyārī mujhe

qahr ban jā.eñgī ye ḳhuun kī pyāsī rāheñ
zindagī mujh meñ simaT aa ki tirā ghar huuñ maiñ

zindagī hai reg-zār-e-be-karāñ
dīda-e-betāb tuġhyānī abas

is soch meñ zindagī bitā dī
jaagā huā huuñ ki so rahā huuñ

khul hī gayā tilism-e-dost ain visāl meñ ki thī
ik shab-e-hijr zindagī lazzat-e-āh ke liye

yūñhī kaaTī hai zindagī tanhā
ġham ho chāhe ki ho ḳhushī tanhā

kisī ke kaam aao zindagī meñ
ḳhushī hogī kisī ke kaam aa ke

hai mukammal vaqt ke sūraj pe merā inhisār
zindagī ke paañv se lipTā huā saaya huuñ maiñ

zindagī meñ jo sukūñ se na kabhī sotā thā
oḌh kar aaj kafan qabr meñ sone aayā