English
Favourite
Favourite
UrduShayarUrduShayar
Expand menu
Sign inAccount

Tags-Zindagi

zindagī aaj hai insān kī to misl-e-qafas
umr-e-paiham ke liye apnī chitā māñge hai
Ghazal
 zindagi zauq-e-parastish ki saza mange hai
zindagī bhar zinda rahne kī yahī tarkīb hai
us taraf jaanā nahīñ bilkul jidhar kī sochnā
Ghazal
 ghar mein bechaini ho to agle safar ki sochna
jo insāñ bāryāb-e-parda-e-asrār ho jaa.e
to is bātil-kade meñ zindagī dushvār ho jaa.e
Ghazal
 jo insan baryab-e-parda-e-asrar ho jae
tum aañkh muuñd ke pī jaao zindagī 'qaisar'
ki ek ghūñT meñ mumkin hai bad-maza na lage
Ghazal
 tumhaare shahr ka mausam baDa suhana lage
zindagī bhar kī mohabbat kā sila le Duube
kaise nādāñ the tire jaan se jaane vaale
Ghazal
 har mulaqat pe sine se lagane wale
har ek saañs hī ham par harām ho ga.ī hai
ye zindagī to koī intiqām ho ga.ī hai
Ghazal
 har ek sans hi hum par haram ho gai hai
idhar to roz ke marne se hī nahīñ fursat
udhar vo zindagī fursat kā kaam ho ga.ī hai
Ghazal
 har ek sans hi hum par haram ho gai hai
banā na paa.ī kabhī ādatoñ ko apnā ġhulām
ye zindagī to ḳhud un kī ġhulām ho ga.ī hai
Ghazal
 har ek sans hi hum par haram ho gai hai
sunī na dasht yā dariyā kī bhī kabhī maiñ ne
ki be-ḳhudī meñ guzārī hai zindagī maiñ ne
Ghazal
 suni na dasht ya dariya ki bhi kabhi maine
bitā.ī maut ke saaye meñ zindagī apnī
binā hī zahr ke kar lī hai ḳhud-kushī maiñ ne
Ghazal
 suni na dasht ya dariya ki bhi kabhi maine
kabhī to merā kahā maan zindagī merī
tirī ḳhushī meñ hī paa.ī hai har ḳhushī maiñ ne
Ghazal
 suni na dasht ya dariya ki bhi kabhi maine
yuuñ musallat zindagī kar dī ga.ī a.asāb par
bojh ye Dhone meñ shal ehsās kā kandhā huā
Ghazal
 aaKHirash mar hi gaya yaKH-bastagi sahta hua
ab to ḳhushī kā ġham hai na ġham kī ḳhushī mujhe
be-his banā chukī hai bahut zindagī mujhe
Ghazal
 ab to KHushi ka gham hai na gham ki KHushi mujhe
yuuñ dījiye fareb-e-mohabbat ki umr bhar
maiñ zindagī ko yaad karūñ zindagī mujhe
Ghazal
 ab to KHushi ka gham hai na gham ki KHushi mujhe
tulū-e-sub.h ġham-e-zindagī ko zid ye hai
ki mere ḳhvāb ke lamhe ġhurūb ho jaa.eñ
Ghazal
 junun to hai magar aao junun mein kho jaen
zindagī kyā thī ajab tūfān thī
ab kahīñ pahuñche haiñ manzil ke qarīb
Ghazal
 hum jo guzre unki mahfil ke qarib
zindagī-o-maut vāhid aa.ina
aadmī hai hadd-e-fāsil ke qarīb
Ghazal
 hum jo guzre unki mahfil ke qarib
na zindagī hai na maut hai ye
na jī rahā huuñ na mar rahā huuñ
Ghazal
 mata-e-fikr-o-nazar raha hun
lafz gūñge haiñ inheñ goyā.ī dene ke liye
zindagī ke sachche lamhoñ meñ ġhazal kahtā huuñ maiñ
Ghazal
 sochte aur jagte sanson ka ek dariya hun main
sūraj ugā to zindagī kī shaam ho ga.ī
ab sub.h-e-nau bhī maut kā paiġhām ho ga.ī
Ghazal
 suraj uga to zindagi ki sham ho gai
Top Urdushayar.com