Tags-Zindagi

ḳhāmosh zindagī jo basar kar rahe haiñ ham
gahre samundaroñ meñ safar kar rahe haiñ ham

likh likh ke ashk o ḳhuuñ se hikāyāt-e-zindagī
ārā.ish-e-kitāb-e-bashar kar rahe haiñ ham

ham apnī zindagī to basar kar chuke 'ra.īs'
ye kis kī ziist hai jo basar kar rahe haiñ ham

kahte haiñ ik fareb-e-musalsal hai zindagī
us ko bhī vaqf-e-hasrat-o-hirmāñ banā diyā

tirā ishq hai mirī zindagī tire husn pe maiñ nisār huuñ
tirā rañg aañkh meñ bas gayā tirā nuur dil meñ utar gayā

ki ḳhirad kī fitnagarī vahī luTe hosh chhā ga.ī be-ḳhudī
vo nigāh-e-mast jahāñ uThī mirā jām-e-zindagī bhar gayā

mujhe sab ḳhabar hai mire sanam ki rah-e-'fanā' meñ hayāt hai
use mil ga.ī na.ī zindagī tire āstāñ pe jo mar gayā

zindagī bhar zindagī kab kar sakī
zindagī mere liye thī jaise laam

zindagī itnī pareshāñ hai ye sochā bhī na thā
us ke atrāf meñ sholoñ kā samundar dekhā

kiyā hai pyaar jise ham ne zindagī kī tarah
vo āshnā bhī milā ham se ajnabī kī tarah

jis taraf le jā rahī hai zindagī
us taraf bhī kūcha-e-qātil na ho

zindagī kī qaid koī qaid hai
sūkhte tālāb kā paanī huuñ maiñ

hameñ milā na kabhī soz-e-zindagī se farāġh
agar bujhā hai kahīñ dil to jal uThā hai dimāġh

guzar rahī hai ajab tarah zindagī 'ālī'
na bujh rahā hai charāġh aur na jal rahā hai charāġh

zindagī-bhar ḳhudī kā paas rahā
ishq kab mahv-e-iltimās rahā

usī samay ham ne un ko Tokā thā bāġhbāñ jab ye kah rahe the
bahār aate hī jī uThegā chaman na.ī zindagī milegī

mar chuke jīte-jī ḳhushā qismat
is se achchhī to zindagī hī nahīñ

hamāre saath rahe zindagī ke hañgāme
jahāñ jahāñ se bhī guzre jidhar jidhar bhī ga.e

zinda huuñ is tarah ki ġham-e-zindagī nahīñ
jaltā huā diyā huuñ magar raushnī nahīñ

kar murattab kuchh na.e andāz se apnā bayāñ
marne vaale zindagī chāhe to afsāne meñ aa