Tags-Zulf

agar us zulf-mushk-āmez se chunnī meñ baal aave
ajab maiñ itr-o-ambar kāsa-e-naġhfūr se Tapke

zulf-e-shab-rañg jo banā.ī hai
un dinoñ shāne kī ban aa.ī hai

vo pau phaTī vo kiran se kiran meñ aag lagī
vo shab kī zulf-e-shikan-dar-shikan meñ aag lagī

kyūñki hove zāhid-e-ḳhud-bīñ murīd-e-zulf-e-yār
us ne saarī umr meñ zunnār kuuñ dekhā na thā

vo chehra-e-kitābī hai zulf-e-dotā meñ yuuñ
mus.haf ko jaise rakhte haiñ dast-e-gavāh par

dil-e-sad-chāk mirā raah yahāñ kab paa.e
kūcha-e-zulf meñ phirtā hai tire shāna ḳharāb

Husn-e-ḳhidmat kā sila dekhiye yuuñ paate haiñ
ruḳh milā aa.ine ko zulf milī shāne ko

avval murġh rishta bapā sā thā pāband-e-tār-e-zulf
halqa-e-gesū meñ lā us ko āḳhir said-e-dām kiyā

kaafī thā us kī bastagī ko to tār-e-kākul-e-rishta-e-zulf
kar ke asīr-e-halqa-e-gesū kyuuñ use be-ārām kiyā

shab kahā maiñ ne us se mirā dil zulf kā terī banda hai
kyuuñ use tū ne qaidī-e-dām-e-sumbul-e-mushkīñ-fām kiyā

mar jā.ūñgā ḳhayāl-e-ruḳh-o-zulf yaar meñ
aa jā.egī ajal isī lail-o-nahār meñ

mūbāf hai kināre kā zulf-e-nigār meñ
yā barf kaundtī hai ye abr-e-bahār meñ

jab raat hotī hai to sitāre nikalte haiñ
afshāñ zarūr chāhiye the zulf-e-yār meñ

zulf to zulf hai duniyā se bhī uljhe haiñ ki ham
ik bagūlā bhī bane hāmil-e-sahrā bhī hue

aao husn-e-yār kī bāteñ kareñ
zulf kī ruḳhsār kī bāteñ kareñ

dil kā hisāb kyā kareñ dil to usī kā maal thā
nik.hat-e-zulf-e-ambarīñ ab ke dimāġh le ga.ī

dil mirā zulf setī chhūT phañsā abrū meñ
kufr kuuñ tark kiyā mā.il-e-mehrāb huā

rashk-e-shāna se pech khātā huuñ
maiñ giraftār-e-zulf-e-ḳham bezār

ruḳh-e-anvar se maiñ hairāñ na huā thā so huā
kabhī ai zulf pareshāñ na huā thā so huā

mujhe itr-e-hinā kī nahīñ hai havā mujhe phūloñ se hotā hai dāġh-e-sivā
kabhī nik.hat-e-zulf suñghā de sabā tujhe nāfa-e-mushk-e-ḳhatā kī qasam