Tags-Zulf

bikhartī zulf se TuuTe ġhurūr-e-shab kā tilism
sahar kā husn fusūn-e-ruḳh-e-nikū māñge

murta.ish hotā hai jis ko dekh kar tār-e-nafas
us kā zulf ḳham-ba-ḳham kā kholnā achchhā lagā

vo ek dal jo kaḌī dhuup meñ jhulastā thā
use bhī sāya-e-zulf-e-butāñ ne yaad kiyā

girte rahe nujūm andhere kī zulf se
shab bhar rahīñ ḳhamoshiyāñ sāyoñ se ham-kanār

dil ke patthar kī lakīreñ to nahīñ miT saktīñ
kashish-e-zulf-e-girah-gīr badal jaatī hai

kyuuñ zulf tirī uljhī rahtī hai ai jānāna
hāzir hai dil-e-sad-chāk darkār ho gar shāna

ho pareshānī se jis kī mujhe sau jam.iyyat
kis tarah jā.ūñ maiñ us zulf-e-pareshāñ se nikal

nik.hat-e-zulf ye kis kī hai ki jis ke aage
huī ḳhajlat-zada bū sumbul-o-raihāñ se nikal

ye kis se aaj barham ho ga.ī hai
ki zulf-e-yār pur-ḳham ho ga.ī hai

sāmne vo haiñ zulf bikhere
kitne hasīñ haiñ aaj andhere

kyuuñ kar rahā hai kaalī ghaTāoñ ke intizār
un kī siyāh-zulf pe nazreñ jamā ke pī

le chalī hai jo dil to zulf-e-darāz
gāñTh meñ bāñdh liijo kas kar dil

ham na chhoḌeñge mohabbat tirī ai zulf-e-siyāh
sar chaḌhāyā hai tū kyā dil se girā.eñ tujh ko

jo dekhe ek-dam zāhid tirī zulf
gale meñ zohd kā zunnār bāñdhe

maiñ huuñ to divāna pa kisī zulf kā na.iiñ huuñ
vallāh ki rakhtā nahīñ yak taar kisī kā

uljhā huā thā ishq meñ pahle hī nā-murād
nāgāh ruḳh pe zulf pareshān ho ga.ī

zulf ne us kī diyā kākul sumbul ko rashk
chashm-e-siyah ne liyā chashm se aahū ke baaj

shabāb ne ḳhud-numā banāyā ye nāz-e-ḳhushrūī ne jatāyā
hayā meñ jis vaqt farq aayā to un ke mukhḌe se zulf sarkī

ruḳh par tire bikhrī huī ye zulf-e-siyah-tāb
tasvīr-e-pareshāni-e-ālam hai mirī jaañ