Collections

Lab Shayari

Motivational Ghazals

Best Khamoshi Shayari

More Collections

Tags-Zulf

vo rāh-e-zindagī meñ muskurānā bhuul jaatā hai
ġharībī jis ko apnī zulf ke panje meñ kastī hai

mohabbat zindagi hai zindagi ka nam masti hai

zulf-e-shab-e-judā.ī terī burī balā hai
is kā ḳhayāl rakhnā o lambe baal vaale

karte hain chain baiThe husn-o-jamal wale

chhoḌ mat zulf ke maare ko tū dariyā meñ hanūz
saañp ke kaaTe ko dete haiñ bahā tīsre din

kyun na ho baam pe wo jalwa-numa tisre din

siyāh raat sī chhā.ī vo zulf chehre par
jabīn-e-nāz gulābī badan gulābī ho

bahaar aai hai phir pairahan gulabi ho

lahrā ke terī zulf banī ik hasīn shaam
khul kar tire laboñ kā tabassum sahar huā

dil ka moamla jo supurd-e-nazar hua

sar vahī hai jo kisī taaj kā muhtāj na ho
zulf-e-jānāñ nazar aa.e to hukūmat kyā hai

ahd-e-KHurshid mein zarron ki haqiqat kya hai

dekhnā hai piyā kī zulf-e-darāz
yā ilāhī mujhe de umr-e-darāz

dekhna hai piya ki zulf-e-daraaz

nashsha to maut hai ġham-e-hastī kī dhuup meñ
bikhrā ke zulf saath chalo maiñ nashe meñ huuñ

taron se mera jam bharo main nashe mein hun

dūd-e-dil terī zulf tak pahuñche
aah yaañ tak mirī rasā na huī

haif dil mein tere wafa na hui

haqīqat husn kī ā.īna tujh par kyūñki ho jaatī
nazar terī to zulf-o-ḳhāl-o-abrū-e-butāñ tak hai

bataen kya amal ishq-e-haqiqi ka kahan tak hai

ishq hai us zulf kā sartāj aaj
hai rasūl-e-husn kī me.arāj aaj

ishq hai us zulf ka sartaj aaj

bigaḌne meñ zulf-e-rasā kī ban aa.ī
liye ruḳh ke bose pareshān ho kar

chale hae dam bhar ko mehman ho kar

tirī ye zulf-e-girah-gīr dekh kar sayyād
shikār aap hue said o daam bhuul ga.e

tumhaare ishq mein hum nang-o-nam bhul gae

baḌhne do zarā aur abhī kuchh dast-e-talab ko
baḌh jā.egī do chaar shikan-e-zulf-e-butāñ aur

taKHliq pe fitrat ki guzarta hai guman aur

jaane kis rañg meñ tafsīr kareñ ahl-e-havas
mad.h-e-zulf-o-lab-o-ruḳhsār karūñ yā na karūñ

fikr-e-dildari-e-gulzar karun ya na karun

aks-e-zulf-e-ravāñ nahīñ jaatā
dil se ġham kā dhuāñ nahīñ jaatā

aks-e-zulf-e-rawan nahin jata

zulf ke halqe meñ uljhā sabza gosh-e-yār kā
ho gayā sañg-e-zamurrad ḳhaal chashm-e-mār kā

gham nahin go ai falak rutba hai mujhko Khaar ka

zulf-e-pareshāñ hī achchhī hai
aalam zer-e-dām rahegā

dil ko dil se kaam rahega

afkār tere husn kī jādūgarī sanam
har sher terī zulf kī ḳhushbū meñ Dhal gayā

aazar-e-dil se rang-e-tabiat badal gaya

ḳhayāl jis ko ruḳh-o-zulf-e-yār kā hai bañdhā
vo jāntā hī nahīñ shaam aur sahar kyā hai

muqabil us dur-e-dandan ke ye guhar kya hai