Tags-Zulf

kamand-e-zulf dikhlā kar kiyā hai
mire dil kuuñ pareshāñ rafta rafta

vasl kī shab barham hī rahā vo tā-ba-sahar uljhā hī kiyā vo
bal na gayā abrū se us kī zulf bhī ham ne suljhā dekhī

mehñdī choTī ho sivā.ī ho chamak peTī kī
umr choTī kī baḌī zulf-e-pareshān kī ḳhair

har shab sharāb-ḳhvār har ik din siyāh hai
āshufta zulf o laTpaTī dastār kaun hai

vo zulf mujh pe hai be-vaj.h rāt-din barham
kisī tarah se na baḌhtī nahīñ itaab ke din

raat kī zulf sañvar jaa.e
hijr ko gar mashshāt karo

kyā ḳhabar thī ki daam hai vo zulf
ham bhī faulād kā jigar rakhte

nasīm-e-be-niyāzī aa rahī hai bām-e-gardūñ se
urūs-e-mudda.ā kī zulf barham hotī jaatī hai

aap bhī zulf-e-pareshāñ ko haTā leñ ruḳh se
mere chhūne se to nāgin ye biphar jā.egī

kaash us husn-e-ḳhud-ārā se koī jā ke kahe
zulf ko laakh sañvāre ye bikhar jā.egī

huā bagūle meñ hai kushtagān-e-zulf kī ḳhaak
ki bād-e-marg bhī mālūm pech-o-tāb to de

araq kī buuñd us kī zulf se ruḳhsār par Tapkī
ta.ajjub kī hai jāgah ye paḌī ḳhurshīd par shabnam

ḳhush-bū kahīñ na jaa.e pa isrār hai bahut
aur ye bhī aarzū ki zarā zulf kholiye

yūsuf-e-misr se magar milte haiñ sab tire nishāñ
zulf se zulf lab se lab chashm se chashm til se til

kyuuñ na Dar jā.ūñ dekh kar vo zulf
hai shab-e-hijr kī sī tārīkī

zulf kahtī hai us ke mukhḌe par
ham ne maarā hai jaal bose kā

zulf khulegī purvā.ī kī
gulshan par mausam barseñge

zulf kā tere in se koī mazmūñ jo raqam ho jaatā hai
fart-e-ḳhushī se le letā huuñ hāthoñ kī apne bulā.eñ aap

nam-e-sabā mai-e-mahtāb itr-e-zulf-e-shamīm
vo kyā gayā ki koī kārvāñ ravāna huā