Tags-Baam

ḳhār-o-ḳhas par ek dard-añgez afsāne kī shaan
bām-e-gardūñ par kisī ke ruuTh kar jaane kī shaan

bām-o-dar par maut kā parcham hai lahrāyā huā
aa rahī hai har qadam par bū-e-anfās-e-vabā

raat aadhī aa chukī hai bām-o-dar ḳhāmosh haiñ
ahl-e-daulat laila-e-ishrat se ham-āġhosh haiñ

ye udaas udaas se baam o dar ye ujaaḌ ujaaḌ sī rah-guzar
chalo ham nahīñ na sahī magar sar-e-kū-e-yār koī to ho

huā jo aa ke vo mehmān ba.ad muddat ke
lahūñ meñ raqs huā baam par qamar Thahrā

haiñ mohabbatoñ kī amānateñ yahī hijrateñ yahī qurbateñ
diye bām-o-dar kisī aur ne to rahā basā koī aur hai

ik musalsal gard meñ Duube hue sab bām-o-dar
jis taraf dekho añdherā jis taraf dekho khañDar

tamāshā nahīñ thā mirā iztirāb
koī kyuuñ ye bālā-e-bām aa gayā

suunā suunā āñgan hai aur bām-o-dar ḳhāmosh
kis se guftugū kiije ho jo ghar kā ghar ḳhāmosh

kal shaam lab-e-bām jo vo jalva-numā thā
kis shauq se maiñ duur khaḌā dekh rahā thā

kamāl-e-shauq-e-nazzāra meñ uryāñ hotā jaatā hai
sar-e-bām-e-falak vo māhtāb āhista āhista

kūcha-e-yār meñ apnā jo guzar hotā hai
nigarāñ rahte haiñ hasrat se dar-o-bām ko ham

nafrat huī do-rañgī-e-lail-o-nahār se
maiñ sub.h-o-shām us ko lab-e-bām le gayā

e.ajāz maiñ ne raj.at-e-ḳhurshīd kā kiyā
bālā-e-bām us ko sar-e-shām le gayā

jab bhī ga.e azāb-e-dar-o-bām thā vahī
āḳhir ko kitnī der se ghar jaanā chāhiye

tumhāre baam kī sham.eñ bhī tābnāk nahīñ
mire falak ke sitāre bhī zard zard se haiñ