Tags-Baam

kahāñ ham aur kahāñ husn-e-sar-e-bām
hameñ buniyād farmāyā gayā hai

rakhegī tujh ko mo.attar sadā mahak merī
rachā huā maiñ tire ghar ke bām-o-dar meñ huuñ

ajnabī shahr meñ thā pahlā paḌāv merā
baam se jhuk ke sitāre ne kahā bismillāh

hamārī jast ne māzūl kar diyā ham ko
ham apnī vus.atoñ meñ apne baam o dar meñ haiñ

dīvār o saqf o baam na.e lag rahe haiñ sab
ye shahr chand roz maiñ kitnā badal gayā

dostoñ kī bhiiḌ ko masrūfiyat meñ kho diyā
aaj fursat baam par hai raat hai tanhā.ī hai

laakh nazroñ ko uchhālā tū na aayā baam par
saa.e sar paTḳhā kiye dīvār ne jumbish na kī

jhuk ga.e āsmān sajde meñ
kaun ye apne baam par aayā

charāġh un pe jale the bahut havā ke ḳhilāf
bujhe bujhe haiñ tabhī aaj bām-o-dar mere

usī mahal se thī vābasta shahr kī azmat
shikasta yuuñ to dar-o-bām-o-tāq sab hī the

us ik diye se hue kis qadar diye raushan
vo ik diyā jo kabhī bām-o-dar meñ tanhā thā

isī liye maiñ kisī shab na so sakā 'mohsin'
vo māhtāb kabhī baam par bhī aatā hai

mausam-e-gul dekhiye khulte darīchoñ ke tale
bām-o-dar ko shahr kī āb-o-havā kah lījiye

vo tīrgī hai rah-e-butāñ meñ charāġh-e-ruḳh hai na sham-e-vāda
kiran koī aarzū kī laao ki sab dar-o-bām bujh ga.e haiñ

kabhī maiñ bām-e-mah-e-nau pe Dāltā huuñ kamand
kabhī maiñ ḳhema-e-shahr-e-hijāb buntā huuñ

jab sar-e-bām vo ḳhurshīd-jamāl aatā hai
zarre zarre pe qayāmat kā jalāl aatā hai

raat ik ujḌe makāñ par jā ke jab āvāz dī
guuñj uTThe bām-o-dar merī sadā ke sāmne

agar vo husn-e-dil-ārā kabhī ho jalva farosh
faroġh-e-nūr meñ gum zarf-e-bām ho jaa.e

kuchh aur to hāsil na huā ḳhvāboñ se mujh ko
bas ye hai ki yādoñ ke dar-o-bām sajā.ūñ

ye āñkheñ yaar ke dīdār kī pyāsī haiñ muddat se
vo aa.eñ baam par to jalva-e-mahtāb dekheñge