Tags-Baam

maiñ is dil se nikal kar bām-o-dar taqsīm kartī huuñ
ki ḳhud be-ghar huuñ aur logoñ meñ ghar taqsīm kartī huuñ

haq kis se māñgtā ki makīnoñ ke saath saath
dīvār-o-bām-o-dar ko zarūrat na thī mirī

mere hī sañg-o-ḳhisht se ta.amīr-e-bām-o-dar
mere hī ghar ko shahr meñ shāmil kahā na jaa.e

vo dhuup hai āñkhoñ meñ ki jal jaatī hai har shaam
manzar hai dhuāñ koī lab-e-bām nahīñ hai

suune paḌe haiñ dil ke dar-o-bām in dinoñ
jalvoñ kā ehtimām hijāboñ meñ qaid hai

kyuuñ ḳhatā ho ga.ī dānista tire kūche meñ
kyuuñ nazar pahuñchī tire baam pe hañste hañste

laakh ḳhurshed sar-e-bām agar haiñ to raheñ
ham koī mom nahīñ haiñ ki pighal jā.eñge

bām-o-dar kī raushnī phir kyuuñ bulātī hai mujhe
maiñ nikal aayā thā ghar se ik shab-e-tārīk meñ

koī 'shor' ye to pūchhe dar-o-bām-e-khusravī se
ye lahū se kis ke raushan hai charāġh-e-kaj-julāhī

apnī dīvāroñ se kuchh bāhar nikal
sirf ḳhālī ghar ke bām-o-dar na dekh

shīshe kī silā.ī meñ kaale bhuut kā chaḌhnā
baam kaaTh kā ghoḌā niim kāñch kī golī

har ghar kā diyā gul na karo tum ki na jaane
kis baam se ḳhurshīd-e-qayāmat nikal aa.e

baam par kah aa.e jā kar āh-e-garm
baḌh ke bijlī se hai jaulānī mirī

koī shāyad hamāre dāġh-e-dil kī tarah raushan ho
hazāroñ āftāb is shauq meñ bālā-e-bām aa.e

ab ke shāyad vo aa.egā is shahr meñ
baam par ham diye to jalāne lage

ḳhud hī jhuktā huuñ ki da.avā-e-junūñ kyā kījiye
kuchh gavārā bhī hai ye qaid-e-dar-o-bām abhī

har ḳhvāhish hai sar-e-nok-e-sināñ, har chāhat hai bas nauha-kunāñ
ma.alūm nahīñ ḳhud meñ huuñ kahāñ, ab chāñd nahīñ sar-e-bām likho

Dher haiñ kitne yahāñ bām-e-hasīnāñ se buland
jins-e-dil uThtī nahīñ itnī farāvānī huī

bām-o-dar par jā-ba-jā parchhā.iyoñ ke aks the
ghar kā ye manzar bhī lekin ḳhushnumā kyūñkar huā

bas ai ġham-e-ġhammāz mirī āh-e-jigar se
la.anat hai tirā baam pe thālī kā bajānā