Collections

Lab Shayari

Motivational Ghazals

Best Khamoshi Shayari

More Collections

Tags-Baam

ab kis tarah ye Tokarī sar pe uThā.ūñ maiñ
sūraj paḌā huā hai mire bām-o-dar ke saath

raaten guzarne ko teri rahguzar ke sath

chāñd ban kar tū mire āñgan meñ utrā hai zarūr
nuur itnā bām-o-dar par aaj tak bikhrā na thaa!

titliyan rangon ka mahshar hain kabhi socha na tha

is tīra-nasībī meñ kirnoñ kā sahārā kyā
sūraj kī taraf dekhā vo bhī lab-e-bām aayā

jaan-bazon ke lab par bhi ab aish ka nam aaya

pahle jaisā rañg-e-bām-o-dar nahīñ lagtā mujhe
ab to apnā ghar bhī apnā ghar nahīñ lagtā mujhe

pahle jaisa rang-e-baam-o-dar nahin lagta mujhe

na man.a ishq-e-majāzī se kar mujhe nādāñ
yahī hai bām-e-haqīqat kī nardbāñ nāseh

ye ji mein aata hai jal jal ke har zaman naseh

chand qatre bhī na Tapke ḳhvāhishoñ kī ret par
kaise kaise abr the bālā-e-bām aate rahe

umr bhar pesh-e-nazar mah-e-tamam aate rahe

pata shahr-e-dil kī bahāroñ kā ab tum
kahīñ bām-o-dar kī ḳhizāñ hī meñ DhūñDo

na gul mein na ab gulsitan hi mein DhunDo

na dar-o-bām pe raunaq na jharokoñ meñ bahār
dil-e-vīrāñ kī tarah shahr bhī sunsān huā

is kaDi dhup ke sannaTe mein hairan hua

bām-o-dar se saḳht bārish meñ bhī uTThegā dhuāñ
yuuñ bhī hotā hai mohabbat meñ kabhī sochā na thā

maine yun dekha use jaise kabhi dekha na tha

vahshat-e-bām-o-dar kahtī hai aur balā.eñ ā.eñgī
ab jo balā.eñ aa.iiñ to logo ran hogā be-hadd-o-hisāb

sab chehron par ek hi rang aur sab aankhon mein ek hi KHwab

baam o dar o dīvār ko hī ghar nahīñ kahte
tum ghar meñ nahīñ ho to makāñ hai bhī nahīñ bhī

baam o dar o diwar ko hi ghar nahin kahte

rāhat-e-banda-e-be-dām kahāñ hai aa jā
paikar-e-husn sar-e-bām kahāñ hai aa jā

kahan hai aa ja

koshak o qasr o bām-o-dar tū ne binā kiye to kyā
haif hai ḳhānumāñ-ḳharāb dil meñ kisī ke gher nahīñ

sang-e-jafa ka gham nahin dast-e-talab ka Dar nahin

ab ḳhaak uḌ rahī hai yahāñ intizār kī
ai dil ye bām-o-dar kisī jān-e-jahāñ ke the

hum aandhiyon ke ban mein kisi karwan ke the

jo chamakte the bām-e-gardūñ par
ḳhaak meñ aaj vo sitāre haiñ

jin ke zer-e-nagin sitare hain

ye dhaḌaktā huā gumbad meñ dil-e-shāhjahāñ
ye dar-o-bām pe hañstā huā malika kā shabāb

taj-mahal

khulā ye dil pe ki tāmīr-e-bām-o-dar hai fareb
bagūle qālib-e-dīvār-o-dar meñ hote haiñ

khula ye dil pe ki tamir-e-baam-o-dar hai fareb

lahū kī mauj se bām-e-ḳhayāl raushan hai
damakte chāñd kī ustādgī ne kuchh na diyā

junun-e-ishq ki aamadgi ne kuchh na diya

bām-o-dar ko nuur se nahlā gayā
ek uḌtī sī ḳhabar hai aur maiñ

ek anhoni ka Dar hai aur main

ye kaun thā jo sar-e-bām ḳhud ko bhuul gayā
ye kis kā raqs thaa, gardish ye kis ġhubār kī hai

na koi din na koi raat intizar ki hai