Tags-Badan

dil ke is ta.alluq meñ ab badan kahāñ jaa.e
ḳhvāhishoñ ke āvāze sun rahe ho ab bolo

firāq bichhḌī huī ḳhushbuoñ kā sah na sakeñ
to phuul apnā badan paarā paarā karte haiñ

ye Dhalke badan aur ye madqūq chehre
sanā-ḳhvān-e-taqdīs-e-mashriq kahāñ haiñ

TuuTe hue badan pe lakīroñ ke jaal the
qarnoñ kā aks umr kī parchhā.iyoñ meñ thā

bojh Dhonā hai bahar-taur ho jaise-taise
varna yuuñ kaun ba-sad-shauq badan khīñchtā hai

badan ke karb ko vo bhī samajh na pā.egā
maiñ dil meñ ro.ūñgī āñkhoñ meñ muskurā.ūñgī

uñgliyoñ meñ us badan kā loch hai
rañg-o-ḳhushbū kā safar taazā huā

mere badan kī chaar dīvārī ke liye
khanaktī huī miTTī kam thī

gurez bhī kahīñ iz.hār-e-ārzū hī na ho
kashish ye kaisī badan kī kamāñ se aatī hai

sailāb-e-badan us kā jo aayā to gayā maiñ
har chand mire jism kī kashtī bhī vahīñ thī

itnā lahū lahū to nahīñ thā badan mirā
haañ zaḳhm ik harā thā mujhe itnā yaad hai

nashe kī aag meñ dekhā gulāb ya.anī tū
badan ke jaam meñ desī sharāb ya.anī tū

vaqt guzarne ke ham-rāh bahut kuchh sīkhā 'aḳhtar' ne
nañge badan ko kirnoñ ke pairāhan se ab Dhāñptā hai

dahshat thī is qadar ki manāzir pighal ga.e
gir kar badan se ḳhud mirā saaya bikhar gayā

jaisī hai badan meñ gul-ruḳh ke vaisī hī nazākat bātoñ meñ
hoñToñ meñ hai jitnī shīrīnī utnī hī halāvat bātoñ meñ

safar kā shauq na manzil kī justujū baaqī
musāfiroñ ke badan meñ nahīñ lahū baaqī

hayā ke bojh se jab har qadam par laġhzisheñ hotīñ
fazā meñ muntashir rañgīñ badan kī larzisheñ hotīñ

haiñ kab se tishna-e-ma.anī mire hurūf-e-badan
farāġh ho to kabhī ye kitāb khol ke dekh

mohabbat ke Thikāne DhūñDhtī hai
badan kī lā-makānī mausamoñ meñ

qurb-e-badan se kam na hue dil ke fāsle
ik umr kaT ga.ī kisī nā-āshnā ke saath