Tags-Badan

log Daale haiñ badan par fikr ke rañgīñ ġhilāf
ā.inoñ meñ shaḳhsiyat kā khurdurā-pan dekh kar

milā jo dhuup kā sahrā badan shajar na banā
maiñ vo huuñ ḳhud jo kabhī apnā ham-safar na banā

ik tiflak-e-justujū huuñ shāyad
maiñ apne badan se kheltī huuñ

vaqār qaa.em na rakh sakī dūsre badan par
anā bahut mo'atabar thī jab ḳhāksār meñ thī

use musavvir ne raushnī se badan kiyā hai
añdherī ḳhushbū jo dīda-e-ḳhvāb-kār meñ thī

jashn-e-tarab kī raat baḌī ḳhush-gavār thī
tere badan kī baas ko rut ne churā liyā

le ga.e sab badan zamīñ meñ ham
'mus.hafī' ik zabān chhoḌ ga.e

aaj bhī khaaT pe bosīda badan dekhtā huuñ
baap ke ba.ad bhī kone kī jagah ḳhālī hai

niklā karo pahan ke na yuuñ muḳhtasar libās
paḌh legā koī lauh-e-badan par likhā huā

do jahāñ kī ne.amatoñ ko do badan se zarb de kar
ek lamha māñgtā huuñ banda-parvar se ziyāda

ye barf-zār badan se na jaañ se niklegā
lahū ho sard to sho.ala kahāñ se niklegā

is sarv-qāmat ke josh-e-mohabbat meñ az-bas ki āzād sab señ huā huuñ
mānind-e-qumrī badan kuuñ lagā rā kah yaahū ke dam bhar malañgoñ meñ rahiye

badan meñ ek sahrā jal rahā hai bujh rahā hai
mire dariyāoñ ko pahlā ishāra kaun degā

sochtī huuñ ki ye badan kī mahak
kab nahīñ aur kab tumhārī hai

kyā use mil ga.ī kuchh tere badan kī ḳhushbū
aaj phūloñ meñ nahīñ aa.ī sabā āvāra

lams-e-āḳhir mire kashkol-e-badan kī ḳhātir
ek muflis ko mayassar huī ḳhairāt sā thā

badan pe us ke thī shoḳhī bharī qabā-e-bahār
vo ek baaġh ke ham-rāh baaġh meñ aayā

ai shab-e-māh TūTtā hai badan
dard shāyad sharāb se nikle

na taar taar qabā hai na daaġh daaġh badan
mujāhidoñ ke saroñ se ga.ī azaañ kaisī

har bun-e-mū se darindoñ kī sadā aane lagī
kaam hī aisā badan meñ ḳhvāhisheñ bone kā thā