Tags-Badan

raushniyāñ badan badan tere mire lahū se haiñ
lams kī saarī lazzateñ jism kī hāv-hū se haiñ

badan ko apnī bisāt tak to pasārnā thā
har ek shai ko lahū ke raste guzārnā thā

daftar meñ zehn ghar nigah rāste meñ paañv
jiine kī kāvishoñ meñ badan haath se gayā

badan kī pyaas bhī ik māvarā kahānī hai
har ek buuñd ko dariyā ḳhayāl kar dekho

badal ke dekho kabhī nisbatoñ kī duniyā ko
badan ko ruuh ke ḳhāne meñ Daal kar dekho

mohabbatoñ ko kahīñ aur paal kar dekho
matā-e-jāñ ko badan se nikāl kar dekho

lagā ke aag badan meñ vo mujh se chāhtā hai
ki saañs luuñ to fazā ko dhuāñ dhuāñ na karūñ

badan ḳhālī karo aur kashtī-e-jāñ ko bachāo
ḳhatarnākī kā ye sāmān baḌhtā jā rahā hai

tulūa honā ufuq par mah-e-visāl sā kuchh
tire badan kā sar-e-shām rañg-o-bū honā

apne badan ko chhoḌ ke pachhtāoge miyāñ
bāhar havā hai tez bikhar jāoge miyāñ

us ek sā.at-e-shab kā ḳhumār yaad kareñ
badan ke lams ko jab ham ne mil ke bāñTā thā

zulfoñ ke ḳhvāb hoñToñ ke ḳhvāb aur badan ke ḳhvāb
me.arāj-e-fan ke ḳhvāb kamāl-e-suḳhan ke ḳhvāb

aaj nādīda sitāroñ ne qabā.eñ baḳhshīñ
āsmāñ terā badan ab to barahna na rahā

ai shab-e-tīra-badan ye to pareshānī hai
terī shah-rag kā lahū aañkh meñ zinda na rahā

vo ā.ina-tan ā.īna phir kis liye dekhe
jo dekh le muñh apnā har ik uzv-e-badan meñ

badan kī saarī tamāzateñ maañd paḌ rahī haiñ
vo bebasī hai ki pārsā.ī pe aa gayā huuñ

badan kā loch laboñ kī miThās qurb kā lams
tasavvurāt ke sab zā.iqe rasīle haiñ

na rahne deñge kabhī vo bāham tapāk dekheñge un meñ jis dam
badan se ḳhārij kareñge jaañ ko jigar se dil ko judā kareñge

mujh ko miTTī se badan bante hue umr lagī
merī ta.amīr ne vīrānī se āġhāz kiyā

phir ujāle se safar hogā andhere kī taraf
jab utāreñge badan se umr-e-fānī kā libās