Tags-Bahaar

ġham, aah ishq ke ġham kā koī nahīñ mausam
bahār ho ki ḳhizāñ kab ye iztirāb nahīñ

shab-e-bahār meñ zulfoñ se khelne vaale
tire baġhair mujhe ārzū-e-ḳhvāb nahīñ

bahār-e-jalva-gah-e-yār terā kyā kahnā
adam se aa.e haiñ hastī meñ tālibān-e-hayāt

har shāḳh par jale hue lamhoñ kī raakh hai
fasl-e-bahār zaḳhm-e-tamannā na dekhnā

bahār aane se pahle
shahr kā mausam badaltā hai

ḳhizāñ ne sab kī bahār kho dī rahā na sumbul bachī na raihāñ
guloñ ko dekhā hue pareshāñ chaman se nikle ba-rañg-e-bū ham

dekho 'munīr' bahār meñ gulshan
rañg se aTte jaate haiñ

saare jahāñ kī shām-e-ġham sub.h-e-bahār ban ga.ī
merī sahar kā mas.ala aaj bhī zer-e-ġhaur hai

rāhat ke saath rañj bhī hai rozgār meñ
hañsne pe gul ke rotī hai shabnam bahār meñ

bāġh-e-jahāñ meñ aish ke fursat bahut hai kam
labrez jām-e-umr hai gul kā bahār meñ

mūbāf hai kināre kā zulf-e-nigār meñ
yā barf kaundtī hai ye abr-e-bahār meñ

detī hai nā-tavānī agar ruḳhsat-e-chaman
phañstā huuñ dām-e-mauj-e-nasīm-e-bahār meñ

aate hī fasl-e-gul mujhe josh-e-junūñ huā
zanjīr-e-dar se baaġh ke bāñdho bahār meñ

kyuuñ muñh se boltā nahīñ niklā hai ab to ḳhat
darvāza band baaġh kā mat kar bahār meñ

paañv se apne aa.egī sahrā meñ bhī bahār
chhāle hamāre phuul piro.eñge ḳhaar meñ

ḳhāk-e-chaman se kyā hai mirā kālbad banā
dāġhoñ se gul jo khilte haiñ fasl-e-bahār meñ

kis ko ye hosh hai jo kare chaak jeb ko
bāhar hoñ apne jaame se fasl-e-bahār meñ

lipTī hai choTī yaar kī phūloñ ke haar meñ
sumbul ne gul khilā.e haiñ fasl-e-bahār meñ

masl-e-hinā hai ġhair kī hāthoñ mire bahār
sarsabz agarche hoñ chaman-e-rozgār meñ

shab-e-bahār meñ tāroñ kī raushnī ke liye
matā-e-giryā-e-ḳhūñāba-bār chhoḌ gayā