Tags-Bahaar

sharāb-o-sher kī rañgīñ fazā pe lahrā kar
surūd-e-ḳhum-kada-e-nau-bahār chhoḌ gayā

shab-e-bahār meñ tāroñ kī raushnī ke liye
matā-e-giryā-e-ḳhūñāba-bār chhoḌ gayā

bahār-e-shoḳh-o-chaman-tañg-o-rañg-e-gul dilchasp
nasīm-e-bāġh se pā-dar hinā nikaltī hai

mire jahāñ meñ saman-zār DhūñDne vaale
yahāñ bahār nahīñ ātishīñ bagūle haiñ

sulūk aisā kiyā ai bāġhbāñ terī nigāhoñ ne
gulistāñ meñ nahīñ hai ab bahār-e-gulsitāñ baaqī

aatā hai jab bahār kā mausam
jab junūñ ustuvār hotā hai

tamām phuul the aur zarf-e-dāman-e-gulchīñ
jo bach ga.e vo charāġh-e-shab-bahār rahe

mirī nazar kā to kyā zikr ḳhud bahār ke phuul
fareb-ḳhurda-e-rañgīnī-e-bahār rahe

junūn-e-shauq meñ tahqīq-e-rañg-o-bū kaisī
rahe chaman meñ to dīvāna-e-bahār rahe

mirī samt se use ai sabā ye payām-e-āḳhir-e-ġham sunā
abhī dekhnā ho to dekh jā ki ḳhizāñ hai apnī bahār par

mirī nazar se vo jalve na rah sake mastūr
jo zer-e-parda-e-pairāhan-e-bahār rahe

mire ashk-e-ḳhūñ kī bahār hai ki muraqqa-e-ġham-e-yār hai
mirī shā.irī bhī nisār hai mirī chashm-e-sehr-nigār par

ḳhizāñ ḳhizāñ ho to daur-e-bahār kyā ma.anī
bahār ho to ḳhizāñ kyuuñ bane bahār rahe

kabhī shāḳh o sabza o barg par kabhī ġhuncha o gul o ḳhaar par
maiñ chaman meñ chāhe jahāñ rahūñ mirā haq hai fasl-e-bahār par

mirī nigāh meñ hai vo harīm-e-zebā.ī
kanīz ban ke jahāñ mariyam-e-bahār rahe

aalam nazar aa jaa.e bahār aur ḳhizāñ kā
ham zard hoñ tum phuul se ruḳhsār dikhāo

sochtā huuñ ashk-e-hasrat hī karūñ nazr-e-bahār
phir ḳhayāl aatā hai mere paas kyā rah jā.egā

rah-e-ḳhizāñ meñ talāsh-e-bahār karte rahe
vo ek tarfa sahī tum se pyaar karte rahe

qafas se chhuTne pe shaad the ham ki lazzat-e-zindagī milegī
ye kyā ḳhabar thī bahār-e-gulshan lahū meñ Duubī huī milegī

'kashfī' banā diyā use ā.īna-e-bahār
guzre kisī kī yaad meñ jis rahguzar se ham