Tags-Bahaar

matā-e-dard numū ke safar meñ hai shāmil
kalī bahār meñ vaise jalī nahīñ jaatī

bahār ban ke ḳhizāñ ko na yuuñ dilāsā de
nigāheñ pher le apnī na ḳhud ko dhokā de

aatī hī rahī hai gulshan meñ ab ke bhī bahār aa.ī hai to kyā
hai yuuñ ki qafas ke goshoñ se elān-e-bahārāñ honā thā

haveliyoñ kā tumtarāq TuuT kar bikhar chukā
chaman se ab bahār kā har ik nasha utar chukā

hazār rañg se phūle chaman meñ go gulzār
par us baġhair ḳhush aatī nahīñ mujhe ye bahār

unheñ nasīb ho ab māvarā koī saa.at
azal se peḌ bahār-o-ḳhizāñ kī zad meñ haiñ

bharī bahār ke din haiñ ḳhayāl aa hī gayā
ujaḌ na jaatā to phūloñ meñ āshiyāñ hotā

ḳhizāñ to kyā nahīñ jis kī bahār ko bhī ḳhabar
ik aise baaġh ke andar hai barg-o-bār mirā

zindagī kī dhuup meñ murjhā gayā merā shabāb
ab bahār aa.ī to kyā abr-e-bahār aayā to kyā

bahār aate hī kyā jaane un pe kyā guzrī
ki ḳhud se dast-o-garebāñ haiñ tere dīvāne

rūh-e-bahār ḳhūn-e-shahīdāñ kā rañg dekh
ḳhāk-e-chaman ko lāla-qabā kar diyā gayā

aamad bahār kī hai jo bulbul hai naġhma-sañj
uḌtī sī ik ḳhabar hai zabānī tuyūr kī

bahār aa.ī qafas ke dar khule bādal uThe barse
duā lekin hamārī tishna-e-tāsīr hai saaqī

bahār aa.ī hai gulshan meñ magar mahsūs hotā hai
nazāre sahme sahme haiñ fazā dil-gīr hai saaqī

hamīñ se rañg-e-gulistāñ hamīñ se rañg-e-bahār
hamīñ ko nazm-e-gulistāñ pe iḳhtiyār nahīñ

raushan kahīñ bahār ke imkāñ hue to haiñ
gulshan meñ chaak chand garebāñ hue to haiñ

nasīm-e-sub.h-e-bahār aa.e dil-e-hazīñ ko qarār aa.e
kalī kalī le ke muñh-añdhere sabāhat-e-rū-e-yār aa.e

bhūle the sañg-hā-e-malāmat ko ham magar
kuchh zaḳhm is bahār meñ phir se hare hue

vahī hai rañg abhī tak jigar ke dāġhoñ kā
yahāñ jo phuul khilā vo sadā bahār huā

firāqe-e-gul se jo nāla-kash hai qafas meñ bulbul shahīd-e-jalva
bahār-e-gulshan ḳhizāñ-numā hai junūñ-zada abr-e-bahmanī hai